وسائل منع الحمل من أهم الحاجات اللي السيدات بيفكروا فيها، سواء بعد الزواج وقبل إنجاب أي أطفال، أو بعد إنجاب أطفال مع الرغبة في تأجيل الحمل، ودلوقتي البدائل الطبية لمنع الحمل بقت كتيرة قوي ومنوعة، وكل سيدة بتحتار تستخدم إيه، ودايمًا بنلاقي أسئلة زي: ” إيه أحسن وسيلة لمنع الحمل؟” أو “إيه تأثير حقن منع الحمل “والحقيقة إن أكتر حد يقدر يجاوب على السؤال ده، هو الطبيب المتابع لحالتك، لإن مش كل الوسائل مناسبة لكل السيدات. وفي المقال ده، هنقول لك على حقن منع الحمل وتأثير حقن منع الحمل على الدورة الشهرية.
-
إيه هي حقن منع الحمل؟
هي حقن تحتوي على هرمون البروجستين، ومهمتها الأساسية هي تثبيط التبويض، عن طريق منع المبايض من إخراج البويضة للرحم، وفي نفس الوقت بتخلي المخاط اللي عنق الرحم سميك، علشان تمنع وصول الحيوانات المنوية للرحم.
فوائد ممارسة الرياضة أثناء الدورة الشهرية
-
ليه بعض السيدات بيستخدموا حقن منع الحمل؟
لإنها حقنة بتتاخد كل 3 شهور، وبتدي للسيدات فرصة في ممارسة الجنس الآمن مع أزواجهم، بدون القلق من حدوث حمل، وخصوصًا لو طبيب النساء قرر إنها أنسب وسيلة.
5 طرق تخلصك من آلام الدورة الشهرية الحادة
-
إيه تأثير حقن منع الحمل على الدورة الشهرية؟
- حقن منع الحمل بتساعد على تخفيف أعراض الدورة الشهرية، زي الآلام المصاحبة لها والتشنجات، وبتقلل كمية الدم المزعجة.
- بتزود احتمالات الإصابة بالنزيف، وخصوصًا خلال الـ 3 شهور الأولى، وده سبب قوي بيخلي السيدات اللي بيستعملوا حقن منع الحمل، إنهم يوقفوها ويستعملوا وسيلة منع حمل تانية.
- حقن منع الحمل بتخفف دم الدورة الشهرية إلى حد كبير، وممكن مع استمرار استعمال الحقن دي، دم الحيض يقف خالص، وده بيعرض السيدة لحالة اسمها “انقطاع الطمث المبكر”.
وفي كل الأحوال بنفكرك إنك ترجعي لطبيبك، قبل وأثناء وبعد استعمال وسائل منع الحمل المختلفة، وخصوصًا إذا لاحظتي أي أعراض غير طبيعية بعد الاستعمال.
5 علامات بتقول إنك لازم تروحي لدكتور نسا
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك