بعد الجواز بيبدأ السؤال “إمتى هنفرح بالحدث السعيد؟ ” وده ممكن يشكل ضغط كبير جدًا على كتير من السيدات، وفي كل مرة بيتعمل فيها اختبار حمل منزلي وبيطلع سلبي، ممكن السيدة تحس بإحباط رهيب، وفي المقال ده هنتعرف سوا على إمتى تقلقي من تأخر الحمل:
- الدراسات بتقول إن 90٪ من الأزواج هيكون في حمل عندهم في غضون 12 إلى 18 شهرًا من المحاولة.
- وبيبدأ الأطباء يقولوا إن في مشكلة بعد 12 شهرًا من ممارسة العلاقة الحميمة من غير وسائل منع الحمل، وعمر الزوجة أقل من 35 سنة.
- لو كان عمر الزوجة أكتر من 35 سنة فالأطباء هيبدأوا في تقييم خصوبتها بعد ست شهور من محاولات الحمل، لو كانت الدورة الشهرية منتظمة عندك، فكمان هتكون فترة التبويض منتظمة،لازم تكون الممارسة متكررة في منتصف الوقت بين الدورتين، ما تستخدميش مزلق، وما تقوميش من السرير مباشرة بعد العلاقة الزوجية.
أفضل أوقات العلاقة الحميمة لحدوث حمل
- الأطباء بيقولوا إن حوالي 25% من الأزواج بيحصل عندهم حمل في نهاية الشهر الأول من المحاولة، حوالي 50 % هيحصل حمل في ست شهور، مابين 85% و90 % هيحصل حمل بنهاية السنة بإذن الله.
اختبار الحمل المنزلي .. هل بتحصل معاه نسبة خطأ؟
- كل ده على فرضية إن مافيش مشاكل خطيرة ومعروفة ممكن تمنع عملية التبويض، ممارسة العلاقة الجنسية في فترة الخصوبة، الزوج ما عندوش مشاكل طبية خطيرة ممكن تأثر على قدرته على إنتاج الحيوانات المنوية.
هل ممارسة العلاقة الحميمة بعد الدورة الشهرية ممكن يسبب حمل؟
- مش لازم تروحوا لأطباء في فترة السنة طالما مفيش مشاكل معروفة وده بيسبب إحراج وضغط للطرفين وغير مفيد دايمًا.
- التقييم عند الدكتور بيشمل المشاكل اللي ممكن تواجه المرأة زي عدم التبويض، عدم انتظام الدورة الشهرية، مشاكل هرمونية زي خمول أو فرط نشاط الغدة الدرقية، الإصابة بالسرطان، وعلاج السرطان.
- الرجال اللي اتعالجوا من السرطان ممكن يكون عندهم مشاكل في الإنجاب، والرجال اللي عندهم مشاكل هرمونية وأمراض زي النكاف هيأثر على قدرتهم الإنجابية.
- عشان كده لو إنتي وزوجك علاقتكم كويسة، وبتمارسوا العلاقة الحميمة باننتظام خلال فترة الخصوبة، وعمرك أقل من 35 سنة، فما تقلقيش وخدي وقت قبل القلق.
- التخطيط للحمل ممكن ياخد ست شهور وأكتر، ممكن ما يحصلش بعدها، وممكن يحصل من أول مرة، ما تقدريش تتحكمي في حاجة زي دي بشكل كامل.
7 فيتامينات مهمة لحدوث الحمل بسرعة
وبنفكرك دايمًا ترجعي لدكتورك، ومتسمعيش للنصائح العفوية اللي حواليكي، لأنها ممكن تسبب ليكي أضرار جسدية ونفسية.
المصادر:
healthline.com
What’s your Reaction?
التعليق باستخدام حساب فيس بوك