بمجرد ما بيحصل حمل، بنشوف في الأفلام الجملة الشهيرة اقعدي ما تتحركيش، حاسبي. وده لأن الحمل خلال التلات شهور الأولى بيكون محتاج مجموعة من العوامل عشان يستمر، خاصة وإن بعض السيدات بيعانوا من طبيعة معينة ممكن تخلي الحمل مش مستقر، لأسباب صحية أو طبيعية. عمومًا لو كنتي من السيدات اللي بيعانوا عادة من مشكلات في الحمل، أو ليكي تاريخ مع إجهاض سابق، غالبًا هتحتاجي إنك تهتمي بتثبيت الحمل، من خلال شوية إجراءات، بعيدًا بقى عن الطرق العلاجية اللي هيتبعها معاكي الدكتور زي حقن تثبيت الحمل وباقي أنواع المثبتات المختلفة. في المقال ده، هنكلمك عن تثبيت الحمل بطرق طبيعية تمامًا هتساعدك أكتر في إن حملك يكمل بسلام.
إمتى لازم إجراء تثبيت الحمل؟
الدكتور هيقترح الإجراء ده في حالة فقدان الحمل السابق أو ضعف عنق الرحم عشان يحافظ على الحمل، وعادةً الإجراء ده بيتم خلال الأسبوع الـ12 لحد 14 من الحمل، وبحد أقصى خلال الأسبوع الـ24، وفي حالة إجراء ربط عنق الرحم بعد كده، ممكن تظهر أعراض خطيرة على الأم وجنينها.
تثبيت الحمل بطرق طبيعية لمنع الإجهاض
حمض الفوليك لتثبيت حملك
ده أول حاجة بتحصل لما بتشكي حتى إنك حامل، وساعات قبل حدوث الحمل أساسًا. حمض الفوليك يوميًا خلال التلات شهور الأولى من الحمل، مش بس بيقلل من خطر العيوب الخلقية اللي ممكن تسبب إجهاض، ده كمان بيساعدك إنك تثبتي الحمل بنجاح. اقري كمان: حساب أيام التبويض بعد الإجهاض
أسلوب حياة صحي
اتباع أسلوب حياة صح مش رفاهية، ده واحد من طرق تثبيت الحمل، بنتكلم عن أكل صحي، خضار وفاكهة في الموسم بتاعهم، ممارسة رياضة مناسبة للحمل بعد استشارة الطبيب، النوم لوقت كفاية. اقري كمان: عادات سيئة تسبب الإجهاض
البعد عن التدخين لتثبيت الحمل
واحد من أكتر أسباب الإجهاض اللي الناس مش بتاخد بالها منها هو التدخين، سواءً كانت الأم مدخنة أو بتقعد في محيط فيه تدخين سلبي.
الحمل والتدخين: “عايزة أحمل ومحتاجة اقلع عن التدخين ومش عارفة!”
تقليل الكافيين اتثبيت الحمل
الحامل لها كمية معينة من الكافيين في اليوم ما تزيدش عن 200 ملليجرام في اليوم. يعني كوبايتين قهوة (تركي) بحد أقصى، أصدقائنا الأمهات اللي بيشتغلوا في شغل ذهني وبيحتاجوا قهوة كتير، بننصحكم تبطلوا، وحبايبنا اللي بيحبوا الشاي بنفكركم إنه هو كمان شكل من أشكال الكافيين لازم تسحبيه ضمن الكمية اليومية المسموحة. اقري كمان: القهوة والرضاعة الطبيعية.. تأثير الكافيين على طفلك
البعد عن التوتر
واحدة من أهم طرق تثبيت الحمل هي العوامل النفسية مش بتعدي مرور الكرام على الحامل، وزي ما بنحذر من النكد على اللي بترضع، برضه النكد مش حلو للحامل خصوصًا في الشهور الأولى. وعمومًا تعرض سيدة حامل لتوتر وضغط نفسي يعتبر جريمة تستحق العقاب، ونتايجها أحيانا ممكن توصل لدرجة الإجهاض.
البعد عن عوامل الخطر
زي ما بنحذر الحامل من الوقوع أو الحركات العنيفة المفاجئة، بنحذرها من عوامل الخطر زي التعرض للإشعاع أو المواد الكيميائية السامة، يعني ما تدخليش مراكز آشعة وتعرفي أي طبيب بتروحي ليه بحملك.
الاهتمام بالنظافة وتجنب الأمراض
من الطرق الطبيعية لتثبيت الحمل، الاهتمام بالنظافة مش شيء ثانوي بالنسبة للحامل، غسل الإيدين باستمرار وتفادي عوامل العدوي واحد من أهم طرق تثبيت الحمل.
المتابعة الطبية
صحيح الحمل الناجح مش شيء مستحيل بالنسبة لأصحاب الأمراض المزمنة زي مرضى ارتفاع ضغط الدم ومرض السكر والأمراض المناعية. لكن المتابعة المستمرة والدقيقة شيء مهم جدًا عشان الحمل يكمل بنجاح.
العلاقة الحميمة وتثبيت الحمل
عادة الدكتور بيطلب إن أول 3 شهور من الحمل ما يحصلش علاقة لإنها بتتطلب مجهود كبيرة ممكن يكون سبب في الإجهاض، ولأن الوقاية خير من العلاج بننصحكم بالحرص من النقطة دي تحديدا لأن العواقب ممكن تكون سخيفة . اقري كمان: ممارسة العلاقة الحميمة أثناء الحمل
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك