يعتبر المطبخ من أكتر الأماكن اللي بتقضي فيه الأم يومها، وغير إنه المطبخ بياخد وقت كبير في اليوم فهو كمان لازم يبقى مريح نفسيًا عشان نقدر نكمل فيه اليوم. لو منظره مكركب ومش مرتب، بيبقى عبء وممكن يخلينا ما نحبش الوقفة فيه. وطبعًا مع مرور السنين المطبخ بيقدم شوية شوية وممكن الدهون مكان الطبخ تسبب بقع في كل مكان وتخلي مظهره مش لطيف.. لو زهقتي من منظر مطبخك القديم، ونفسك تجددي فيه بس مش معاكي ميزانية كبيرة، هنديكي شوية أفكار حلوة في المقال ده لـ تجديد المطبخ القديم.
تجديد المطبخ القديم
الستيكر متنوع الألوان والأشكال
ممكن تغيري من شكل السيراميك القديم وتشتري ستيكر مقوي وبيكون ليه أشكال مميزة زي الأشكال الأندلسية والحجري والـ3D وتلزقيه على السيراميك القديم وأنواع الستيكر دي بتكون بتستحمل المياه والحرارة عشان ما تبوظش وتقدري تنضفيها بسهولة.
5 منتجات بسيطة هتغير شكل ديكور بيتك تمامًا
الديكوباج
ممكن تغيري من شكل خشب دواليب المطبخ وتستخدمي الديكوباجالديكوباج وتختاري أشكال لايقة على لون مطبخك وممكن كمان تستخدمي الديكوباج على الصواني القديمة اللي عندك وتستخدميها كديكور في المطبخ.
بالصور: أحدث أنواع الستائر المودرن للسنة دي
ستاير المطبخ
لو ما عندكيش ستاير على شباك مطبخ، فممكن تنزلي تشتري قماش يليق على لون مطبخك وتفصليها بنفسك لو بتعرفي تفصلي عشان توفري في الميزانية وكمان ممكن تضيفي ستارة تحت الحوض من نفس لون وقماش ستارة الشباك.
الإضاءة
لو معاكي ميزانية، ممكن تشتري نجفة للمطبخ تكون مودرن. وفيه أماكن كتير تقدري تجيبي منها نجف بسعر معقول زي ميدان الجامع ودرب البرابرة والنزهة الجديدة. وممكن تطلبي من الكهربائي إنه يحط لك سبوت كهربائي في أماكن جديدة في المطبخ وكمان ممكن تركبي بنفسك أفرع أنوار الليد تحت ضلف المطبخ عشان يدي اضاءة وشكل شيك للرخامة.
ديكورات جديدة
قبل ما تشتري ديكورات جديدة لمطبخك رتبي شكل الرخامة. واتخلصي من كل حاجة فوق الرخامة حاسة إنها عاملة ليكي زحمة وهاتي ديكورات جديدة بأسعار معقولة من النزهة الجديدة زي حامل السكاكين وطقم التوابل وممكن كمان تجيبي نباتات للزينة وتشتري سجادة أو كليم جديد للأرضية.
ودي كانت أفكار بسيطة عشان تغيري فيها من مطبخك القديم وبنحب نفكرك إن مطبخك ممكن تغيريه بشوية ترتيب ونظام وإعادة ترتيب لأماكن الحاجة وممكن تجددي من شكله حتى لو اشتريتي بس مغناطيس للتلاجة، مطبخك مكان جميل عشان إنتي صاحبته وبيطلع منه أحلى الأكلات عشان بس إنتي ملكته.
اعرفي هنا أجمد 10 أماكن تصميم ديكورات المطابخ في القاهرة
التعليق باستخدام حساب فيس بوك