محتويات المقال
الليلة اللي قبل الولادة ما تتنسيش أبدًا، لإن دايمًا فيها أحداث مختلفة، وبتكون المشاعر ما بين الشوق للبيبي الجديد، وما بين ألم الطلق في الولادة الطبيعية، أو الخوف من دخول العمليات في الولادة القيصرية. وفي نفس الوقت، الأم بيكون مطلوب منها تجهيز شنطة الولادة، والاستعداد النفسي والجسدي للولادة، وعلشان ما تحسيش إنك لوحدك، سألنا أمهات راحة بالي عن استعدادتهم ليلة الولادة ودي كانت تجاربهم.
الليلة اللي قبل الولادة ما تتنسيش أبدًا،
-
مدام نظيفة
قالت في ليلة الولادة:
- “كنت باولد على غفلة والمياه نزلت والرحم اتفتح، وما قدرتش أروح المستشفى غير لما ألم الغسيل واغسل المواعين الساعة ٤ الفجر.”
- “نضفت الشقة.”
- “الطلق جالي وأنا بانضف الشقة.”
-
الأكيل
- “روحت أكلت في ماكدونالدز علشان الدكتور قالتلي تجيلي صايمة 8 ساعات.”
- “أكلت بيتزا.”
- “عملت كبدة اسكندراني في عيش فينو الساعة 12 بالليل، بتاع 35 ساندوتش كده.”
- “أكلت رنجة”
-
الغزالة رايقة
قالت في ليلة الولادة:
- “حضرنا شنطة الولادة ونزلت الكوافير، وكان ماتش الاهلي والزمالك قعدت أنا وماما وأختي نتفرج عليه.”
- “نزلت عملت شعري.”
- “روحت النادي ١١ بليل اتعشيت بيتزا وسهرت، وبعدين روحت المستشفى أبات فيها عشان أولد الصبح.”
- “كنت باسمع أغاني تافهة، وابعت لأصحابي واقولهم: جاهزة يا حجة؟”
- “كنت مبسوطة إني هاخلص.”
-
المتفاجئة
- “والله ما لحقتش اعمل حاجة، ولدت فجأة تاني يوم في التاسع، وأخدت وجع الطبيعي وفي الآخر ولدت قيصري.. ها إيه تاني.”
- “والله عمري ما حسيت الإحساس ده، دائما بانزل المستشفى فجأة الحمد لله.”
- “مش بلحق أفكر اعمل إيه.
- ولادتين انزل من عند الدكتور يقولي تعالي بعد ١٠ أيام نعمل تحاليل ونحدد ميعاد، وأروح البيت واولد.
- الطلق ما ادانيش فرصة اعمل حاجة هو اللي عمل فيا.”
-
رحلة البحث عن الطلق
- “نزلت اتمشيت ساعتين عشان كنت عايزة أولد طبيعي، ورجعت شربت كوباية ينسون وقرفة ونمت، صحيت على الفجر عندي الطلق.”
- “كنت معزومة عند أختي وروحت من عندها صليت ودعيت وقعدت أعيط.”
- “قعدت اتمشى من البيت لحد مصر الجديدة، علشان أحاول أولد طبيعي، واخواتي جم باتوا معايا وقعدوا يعملوا لي شعري.”
-
المحظوظة
- “أصحابي جولي البيت، وبلاعة المطبخ ضربت وقعدنا نمسح وننضف.”
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك