محتويات المقال
سيدات كتير بيعانوا من مشكلة الهالات السوداء، ومهما مشيوا ورا النصايح الشائعة والطبيعية، مش بتتحسن بشكل ملحوظ، وده ممكن يأثر سلبًا على النفسية، بس لحسن الحظ ظهر مؤخرًا علاج بحقن البلازما للهالات السوداء، فهل هو علاج فعّال؟ وإيه فوايده وآثاره الجانبية؟ ده اللي هتعرفيه في المقال ده، بس قبل ما تقرأي تفاصيل علاج الهالات السوداء، عاوزه أشاركك كلمة سمعتها من طبيية، قالت: حبي شكلك وتقبليه زي ما هو، مفيش جمال كامل، المهم نركز على نقاط جمالنا، زي ما بنركز على جمال عيون الغزال مع إننا لو ركزنا فيها هنلاقي حواليها هالات سوداء واضحة جدًا، ومع كده مش بناخد بالنا منها، لإننا مش شايفين غير جمال العيون.
-
إيه هي الهالات السوداء؟
هي غمقان في لون البشرة حوالين الجفون، لكن بتبان تحت الجفن السفلي أكتر، وفي حالات بتكون زايدة قوي فبتأثر على الشكل الجمالي.
-
إيه أسباب الهالات السوداء؟
- عوامل وراثية.
- شرب الكحوليات.
- التدخين.
- اضطراب النوم.
- التعرض لأشعة الشمس.
أجمد 6 كريمات للهالات السوداء وتجاعيد العين بالأسعار
-
إيه هي حقن البلازما للهالات السوداء؟
حقن البلازما بتتعمل عن طريق أخد عينة من دم المريض، وبتدخل في عملية طبية معينة علشان نحصل على صفائح البلازما المجمعة بصورة مكثفة، ودي اللي بيتحق بيها المريض.
-
إيه هي وظيفة حقن البلازما؟
- أهمية صفائح البلازما دي إنها بتحتوي على مواد مهمة بتتسمى عوامل النمو، ودورها الأساسي إصلاح وتجديد الأنسجة.
- بتحفز الكولاجين في البشرة علشان تحسن نضارتها وتزيل الخطوط الدقيقة والترهل وتغير اللون اللي تحت العيون.
- بتزيد من سمك وحيوية البشرة تحت العين، وده بيقلل جدًا من الهالات السوداء.
-
إمتى بتظهر نتايج حقن البلازما؟
خلال 4 لـ 8أسابيع، وبتعتمد على طبيعة جسم كل مريض.
-
إيه الآثار الجانبية لحقن البلازما؟
لحسن الحظ البلازما مادة طبيعية من الجسم، وده بيقلل المخاطر اللي ممكن تحصل بسببها، لكن ممكن تحصل بعض الأعراض الجانبية للحقن زي:
- العدوى.
- إصابات عصبية.
- ألم في مكان الحقن.
-
كام تكلفة حقن البلازما للهالات السوداء في مصر؟
متوسط تكلفتها حوالي 1500 جنيه، لكن طبعًا بتفرق من دكتور للتاني، علس حسب المكان اللي شغال فيه، وعلى حسب التقنيات الطبية المستخدمة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك