محتويات المقال
حددت منظمة الصحة العالمية شهر أكتوبر للتوعية بسرطان الثدي، والحقيقة إن أغلب الستات عارفين إيه هو سرطان الثدي، وممكن يكونوا شافوا واحدة على الأقل من دوايرهم المقربة أصيبت بيه. لكن حجر الزاوية في التوعية بمرض سرطان الثدي هو الكشف المبكر، ومع إن العلماء والأطباء لحد دلوقتي ما وصلوش لأسباب الإصابة بسرطان الثدي إلا إنهم طول الوقت بيشددوا ويأكدوا على أهمية الاكتشاف المبكر للمرض بيختصر طريق طويل من العلاج والمعاناة، وبيحمي السيدة بالفعل من تدهور صحتها. علشان كده في تجربتي مع سرطان الثدي .. “راحة بالي” قابلت سيدات ناجيات من مرض سرطان الثدي وحكوا لنا عن تجاربهم ونصائحهم، تعالي نشوف الفيديوهات دي مع بعض.
تجربتي مع سرطان الثدي بالفيديو
-
الفيديو الأول
لمى، أصيبت بسرطان الثدي وهي حامل، حكت لنا تجربتها ومن أجمل الجمل اللي قالتها وهي بتحكي: “في حاجات ربنا بيديها لنا علشان يمتحننا احنا، مش لازم أمتحن بقى معايا الناس اللي حواليا والعشم يخليني أقول مين اللي وقف معايا..”
شوفي التجربة كاملة من الفيديو ده:
-
الفيديو التاني
“الخوف ما بيمنعش الموت، الخوف بيمنع الحياة” الجملة دي قالتها د.نشوى فؤاد إحدى الناجيات من سرطان الثدي واللي بتنتمي لعائلة فيها عدد من المصابات بسرطان الثدي، تعالي نشوف تجربتها الملهمة مع المرض من الفيديو ده:
-
الفيديو التالت
“كل ثانية بتتأخريها بتفرق في مدة علاجك وفي نسبة شفائك” من أهم الكلمات اللي اتقالت في فيديوهات محاربات سرطان الثدي، لأن ده السبب الحقيقي للتوعية بضرورة الكشف المبكر. في الفيديو ده، تجارب مجمعة لناجيات من سرطان الثدي.
-
الفيديو الرابع:
مها..أصيبت 3 مرات بسرطان الثدي، وفي كل مرة كان الكشف المبكر هو أول خطوة في العلاج، بتحكي تجربتها في الفيديوي ده:
في النهاية، حابين نقولك إن وعيك لازم يكون مستمر طول السنة مش في شهر أكتوبر بس، وإن زيارة واحدة مبكرة لطبيبك هتوفر عليكي زيارات أكتر.
مع تمنياتنا لكل السيدات بالصحة والسعادة، وبالمعافاة التامة لكل المصابات بسرطان الثدي.
التعليق باستخدام حساب فيس بوك