بعد ٣ سنين أمومة، أقدر أقول وبمنتهى الثقة كمان إن شغل الأمهات الشاغل في أول ٣ سنين من حياة ولادها هو الدايبر (الحفاض) وكل ما يتعلق بيه. سواءً بقى أحسن نوع لبشرة البيبي أو اللي ما بيسربش وقت الليل. والأهم من الدايبر، الكريم السوبرهيرو اللي هيحميهم من عدو الأمهات الأول الـDiaper Rash (طفح الحفاض). وبعد ٥٠٠ ألف جنيه في كل سنة D: تجارب مع كريمات دايبر، هاحكي لكم عن تجربتي مع كريم Baby Dara.
diaper rash cream
طبيعي إن الأطفال بيحصل لها التهابات بسبب الدايبر أو حساسية أو مع الحر. عشان كده من أهم الخطوات اللي هتخلي ابنك أو بنتك ما يتعرضوش للتجربة دي هي الكريم اللي بتحطيه بعد ما بتغيري الدايبر. وللأسف ابني جسمه حساس لأي مواد حافظة ومكونات صناعية كانت بتبقى موجودة في بعض الكريمات وبعد بحث طويل وتجارب كتير اكتشفت اختراع هايل اسمه كريم Baby Dara.
diaper rash cream – https://babydara.com/
تجربتي مع الكريم
أول معرفتي بالكريم كانت في إيفنت The Rahet Bally Experience، لقيت أم لطيفة واقفة في الستاند الخاص بيهم بتشرح لي عن الكريم ومكوناته وفعلًا جربته ولما بيخلص باشتريه من الموقع بتاعهم والتوصيل مجاني وكمان باخد خصم من كارت راحة بالي أو ممكن تلاقيه في صيدليات كتير زي العزبي. وعلى الموقع بتاعهم، لقيت أصل حكاية الكريم اللطيفة جدًا اللي بتحكي عن مالك اللي مامته وباباه جربوا كل الوصفات الطبيعية عشان يقدروا يخترعوا الكريم ده اللي بيتكون من مكونات آمنة على البشرة وزيوت وفيتامينات طبيعية عشان ابنهم ما يتعرضش للدايبر Rash تاني أبدًا. أما مكونات الكريم بقى، فكلها طبيعية ومنها الجوجوبا وزيت جوز الهند اللي معروف عنهم إنهم بيبقى ليهم تأثير ملطف وكمان بيقي من الالتهابات وأي فطريات. أول مرة استخدته مع ابني كان أصلًا عنده شوية التهابات ومع أول استخدام ابتدت البشرة تتحسن كتير عن الأول. بقيت باحطه كل مرة باغير له فيها الدايبر وبالذات بالليل لأنه بيعمل طبقة سميكة بتعزل البلل وتلطف الجلد طول الليل. وكانت ألطف تجربة بالنسبة لي هي الصيف ده لما قلعته الدايبر عشان نبدأ رحلة البوتي تريننج الطويلة وطبعًا بالليل بيلبس الـpull up ومع الحر والعرق كان ممكن يحصل له التهابات بسبب الـpull up بس الحمد لله الكريم كان هو المنقذ بالنسبة لي.
التعليق باستخدام حساب فيس بوك