دايما الشتاء بييجي مع موسم دخول المدارس، فميزانية ملابس الشتاء مع مصاريف المدارس والدروس بتكون تقيلة فعلًا، والحقيقة إن الملابس الشتوي ضرورة مش رفاهية ممكن نتنازل عنها، علشان كده هنقولك ازاي ترتبي ميزانية الملابس الشتوي من دلوقتي خطوة بخطوة.
-
الملابس الشتوي القديمة
- طلعي كل الملابس الشتوي المتخزنة عندك، وقيسيها وشوفي حالتها وقرري إيه اللي محتاجاه وإيه اللي مش محتاجاه.
- تقدري تبيعي الملابس الشتوي اللي مش محتاجاها على جروبات بيع المستعمل على الفيسبوك، واعرضيها بأسعار معقولة وما تبالغيش في سعرها علشان تتباع.
- اكتبي القطع اللي انتي محتاجاها وعددها وألوانها.
- اعملي إعادة تدوير لبعض القطع، ولو انتي معرفتيش تعمليها تقدري توديها لترزي يعملها لك.
- لو في قطع مش بتلبسيها علشان محتاجة خياطة أو تقصير أو تعديل، جه الوقت اللي تعملي لها كل ده، هتكتشفي إنهم عدد مش قليل.
- في بعض القطع اللي زهقتي منها في الخروج، تقدري تستعمليها في البيت لو خامتها مناسبة، زي خامة الميلتون أو القطن التقيل.
- اتأكدي إن الهدوم كلها نضيفة، ومفيش فيها أي بقع، ولو لقيتي قطعة فيها بقع، حاولي تزيليها بنفسك، أو وديها عند حد متخصص، لإن عند الاستخدام هتلاقي القطعة دي متعطلة.
-
ميزانية الملابس الشتوي الجديدة
- استغلي فترة التخفيضات، واختاري منها القطع المميزة واللي انتي محتاجاها فعلا مش زيادة.
- وانتي بتختاري الألوان حاولي تجيبي ألوان تليق على أكتر من حاجة.
- ما تجيبيش قطعة وانتي حاسة إنها مضايقاكي نفسيًا أو جسديًا.
- ابعدي عن القطع اللي انتي عارفة إنك مش هتعرفي تليقي عليها حاجة من عندك، لإن دي غالبًا مش هتستخدميها.
- هاتي القطع المحايدة واللي بتستخدم كتير، زي الجينز والجلد والشمواه.
- كفاية أوردرات أونلاين.
طبعًا النصايح دي مش بس لملابسك، لكن تنفع كمان لملابس أطفالك وجوزك، وللمفروشات الشتوية.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك