قائمة تحضير شنطة الرضاعة الطبيعية

الرضاعة الطبيعية مش هي عملية مستمرة على مدار اليوم، فسواء انتي في البيت أو خرجتي، لازم تكوني مستعدة طول الوقت علشان تلبي رغبة طفلك في الرضاعة، وطبعًا أثناء وجودك في البيت بتتصرفي تلقائي وببساطة، لكن وانتي خارج البيت فلازم تكوني مجهزة كل الأدوات اللي هتساعدك في الرضاعة الطبيعية، علشان كده هنقولك على قائمة تحضير شنطة الرضاعة الطبيعية:

1. لبن الأم: لو انتي بتضخي اللبن من قبل، علشان ما تضطريش ترضعي طبيعي برا البيت، فلازم تجهزيه من قبل النزول وتحطيه في ببرونات معقمة.
2. حافظات للبرونة: عشان تحفظ درجة حرارة اللبن، وما يفسدش لو الجو حر.
3. ساتر الرضاعة: لو انتي هترضعي من الثدي مش من الببرونات،وحاولي تكون خامته مش تقيلة قوي، ولا شفاف قوي.
4. فوط للقشط: ودي الفوط الصغيرة اللي بنحطها على كتفنا واحنا “بنكرع” الطفل بعد الرضاعة.
5. ملابس إضافية للبيبي: وده عشان لو قشط أو رجّع على هدومه، لازم تغيري له، علشان تتجنبي الروائح الكريهة.
6. مضخة لبن الثدي: لو انتي هتقضي وقت طويل برا البيت، أو هتكوني في الشغل، فالأفضل إنك تضخي اللبن من صدرك علشان مايسببش ليكي ألم.
7. حمالة صدر خاصة بالرضاعة: (Bra) علشان لو الحمالة اللي انتي لابساها حصل عليها تسريب، تقدري تغيريها.
8. Pads: علشان لما يحصل تسريب، هدومك ما تتبهدلش.
9. كريم للحلمات: وخصوصًا لو انتي في المرحلة الأولى من الرضاعة الطبيعية.
10. مستلزمات الرضاعة الصناعية: لو انتي بتمزجي ما بين الرضاعة الطبيعية والصناعية، محتاجة تاخدي اللبن الصناعي والمياه وببرونة نضيفة ومعقمة، لعمل الرضعة الصناعي.
11. بافتة: ويفضل إنها تكون أكتر من واحدة، علشان تحمي هدوم ورقبة طفلك من الحليب.
12. مناديل عادية ومناديل معطرة خاصة بالأطفال.
13. باكيت أعشاب للأم: علشان تقدري تشربي مشروبات وسوايل تساعدك على الرضاعة الطبيعية.
14. أعشاب للطفل: لو هو فوق الـ 6 شهور، والطبيب سمح له بشرب الأعشاب.

ودي مجموعة مقالات عن الرضاعة الطبيعية هتفيدك جدًا:

حلول لـ تسرب لبن الثدي أثناء الرضاعة الطبيعية

10 مشروبات مهمة لا غنى عنها في فترة الرضاعة الطبيعية

مشروبات عشبية صحية للبيبي حديث الولادة (بعد الشهر السادس)

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.