كل واحدة فينا بيكون عندها درجات مناكير مفضلة لها، وكل ما تروح تشتري مناكير أظافر تلاقي نفسها بتجيب نفس الدرجات، مرات بنكون مركزين في ده، ومرات بنعمل كده بدون وعي وتركيز، وبنكتشف لما بنشوف كل الألوان اللي عندنا، بس ده مش تصرف عبثي أو جاي من اللاشيء، ده بيكون حاجة بتعبر عن شخصيتك واختياراتك، ودلوقتي هتعرفي شخصيتك من ستايل المناكير اللي بتختاريه أكتر المرات.
نوع شخصيتك حسب لون مناكيرك المفضل
-
صاحبة المناكير الأحمر
لون جريء جدًا، والسيدة اللي بتستخدمه شخصيتها بتكون فيها من الجرأة دي، وبيدل على العاطفة والنار والثقة، والشخصية دي بتكون قادرة على الدخول لدائرة الضوء.
-
صاحبة المناكير الأصفر
اللون الأصفر بيدل على الشمس والدفى، والستات اللي بيحبوا اللون ده شخصياتها بتكون عفوية ومنفتحة وأنيقة.
-
صاحبة المناكير البرتقالي
لون استوائي مبهج، والستات اللي بيحبوه أكيد بيحبوا الصيف، وبتتميز شخصياتهم بالكرم وبسهولة تكوين الصداقات، وبيكونوا دينمو أي رحلة ممتعة.
-
صاحبة المناكير اللافندر
لون بيجمع بين الدفى والنعومة، والشخصية اللي بتحبه بتدل على أنوثتها بدون ما تبينها بشكل واضح.
-
صاحبة المناكير البنفسجي
اللون البنفسجي مكون من الأحمر والأزرق، والشخصية اللي بتحبه بتمتع بثقة مميزة جدًا، ومش بتخاف من التجمعات.
-
صاحبة المناكير الوردي الفاتح
رغم إنه لون أنثوي جدًا، إلا إنه بيدل على شخصية هادية وناعمة، غير محبة للظهور والشهرة.
-
صاحبة المناكير الوردي الفاقع
لون ملفت جدًا، وبيدل على شخصية مرحة وواثقة من نفسها وأنيقة ومثيرة وجريئة.
-
صاحبة المناكير النبيتي
لون أنيق وعميق وغامق، وبيدل على شخصية أنيقة وعصرية وفيها تحدي كبير.
-
صاحبة المناكير الأخضر
لون قوي، وبيدل على شخصية مغامرة وشجاعة وقوية.
-
صاحبة المناكير الأزرق
لون ممتع جدًا، والشخصية اللي بتفضله بتكون مميزة، وبيدل إنها بتعيش حياة مليانة إثارة ومتعة واستعداد لخوض تجارب جديدة.
-
صاحبة المناكير الألوان الفسفورية
الحيوية كلها، وبتدل على شخصية مقبلة على الحياة وحيوية، ومش بتخاف من الأغراب، ولا من العلاقات الجديدة.
-
صاحبة المناكير البني الغامق
لون بيدل على الجرأة والسلطة، وده بيدل على شخصية قوية وجريئة.
-
صاحبة المناكير الأسود
من أجرأ ألوان المانكير، وبيدل على شخصية مش بيهمها رأي الناس، ومستعدة للتمرد دايمًا.
-
صاحبة المناكير الرمادي
شخصية مثقفة وقارئة وفاشونيستا.
-
صاحبة المناكير الأبيض
شخصية أنيقة وكلاسكية وهادية وراسية.
-
صاحبة المناكير الدهبي
بيدل على شخصية بتحب الأناقة بس مش متبعة للموضة والصيحات الجريئة.
ودلوقتي قوليلنا بتحبي أي لون، ولأي مدى لقيتيه بيدل على شخصيتك.
ودي مجموعة من المقالات عن الأظافر والمناكير تقدري تستفيدي منها:
- بالفيديو: 100 فكرة لرسومات مناكير الأظافر
- 5 وصفات طبيعية لتقوية وتطويل الأظافر
- صور: ألوان مناكير لازم تجربيها في 2021
المصدر:
the beautygypsy
التعليق باستخدام حساب فيس بوك