من فترة بدأت رحلة الرجيم بعد سنين طويلة كنت مبطلة فيهم تماما أروح لدكتور تغذية لكن قررت ألجأ لطبيب تغذية مش عشان فقدان الوزن لكن عشان صحتي بالأساس، لما روحت أول حاجة عملها خلاني أقف على جهاز inbody عشان يقدر يعرف نسبة المية والدهون وعضلات في جسمي وهل في توازن ولا لا، وحاجات كتير جدا مثلت ليا صدمة، لأن وزني مش كبير، كنت متخيلة هخس كام كيلو وهكون أحسن وخلاص، لكن لما عملت تحليل inbody على جهاز الإن بودي صعقت، ميزان الإن بودي غير الميزان العادي، هو بيعمل فحص كامل للجسم وبيطلع نتيجة ممكن تخض، الرشيق مش بالضرورة صحته كويسة، والمليان مش بالضرورة جسمه في عضلات، مجموعة الأرقام والحقايق اللي بتطلع من الجهاز ده حقيقي هتغير حاجات كتير جدا عن مفهومنا للوزن والتخن والرفع.
مش هنسى يومها الكلام اللي الدكتور قاله ليا في أول زيارة، قالي لو خسيتي مش عاوز تفرحي ولو زيدتي مش عاوز تزعلي، في العموم إحنا بنتعامل مع الإن بودي وده له شغل ومقاييس هدفها الأساسي هو الصحة واللي بييجي معاها الشكل المثالي بالتبعية.
اختبار الحمل المنزلي .. هل بتحصل معاه نسبة خطأ؟
يعني تحليل إن بودي Inbody
كتير مننا بيكون مهتم بالميزان عشان يعرف هو بيتخن ولا بيخس، وأحيانا بتحصل حاجة غريبة إن الوزن يكون ثابت بس الهدوم عمالة توسع او العكس، الوزن ثابت بس الهدوم بتضيق وفي شعور بعدم الراحة، الإن بودي Inbody هو الطريقة اللي بنعرف بيها تفسير الرقم اللي طالع على الميزان، يعني باختصار بيقولنا الرقم اللي ظاهر على شاشة الميزان ده طبيعي ولا لأ، قد إيه من الوزن ده دهون وقد إيه عضلات وقد إيه مية.
الإن بودي Inbody تحليل بدون أي جراحة أو اجراءات معقدة بيقولنا حقيقة وضعنا من حيث اللياقة بجد، وغالبا لو مش بنلعب رياضة وناكل أكل صحي فالنتيجة بتخض مع كل مرة، الاختبار بياخد وقت بيتراوح من 10 دقايق لربع ساعة، أو حسب ما الجهاز يعلن انتهاء القياسات ويصفر.
نصايح قبل عمل تحليل Inbody
عشان النتيجة تظلع مظبوطة وفي حال لو المكان اللي هتعملي فيه اختبار الـ Inbody مقالكيش، مفروض في مجموعة اجراءات تعمليهم:
- يفضل ماتكونيش واكلة 3 لـ 4 ساعات قبل الفحص وتبعدي تماما عن الكحول والقهوة يوم الاختبار
- يفضل إنك ماتاخديش شاور قبل الوزن أو ساونا
- يفضل ما تكونيش خاطة مراهم أو كريمات على الإيدين أو الرجلين
- يفضل ما تكونيش عاملة رياضة لمدة 12 ساعة قبلها
- يفضل إنك تتجنبي الهدوم التقيلة والأكسسوارات يفضل تكوني حافية ومش لابسة أي حاجة معدن.
إزاي تستعدي صح
- اشربي مية كتير في اليوم اللي قبل الفحص مش يومها
- قبل الفحص يفضل تكوني واقفة فترة ويا حبذا لو دخلتي الحمام قبلها.
- لو الجو برد ممكن تعملي حركات تحمية عشان جسمك يسخن شوية
تحذيرات قبل الفحص
لو كنتي من الناس اللي عندهم أجهزة ضبط نبضات القلب أو أجهزة الكترونية تانية مزروعة في جسمهم فيفضل عدم القيام بالفحص لان النتايج مش هتكون دقيقة
الطرق السليمة لتخزين وحفظ الأطعمة المختلفة
اختبار الـ Inbody في راحة بالي
قياسات الـ inbody بتكون جزء أساسي من برامج راحة بالي الرياضية الصحية اللي بتساعدك تستعيدي لياقتك من تاني بعد رحلة الحمل والولادة، بناء على الورقة اللي هتوضحلك كل مقاييس جسمك بيتم وضع نظام غذائي وبرنامج رياضي متفصل مخصوص عشان بيراعي الحالة الصحية والجروح في حالة الولادة القيصرية وكل التفاصيل الخاصة اللي لازم تتحط في الحسبان عشان توصلي لأفضل نسخة منك.
ممكن تعرفي أكتر عن البرامج من هنا Rahet Bally Fit Mama Drops Incredible Discounts For 3 Packages
ومن هنا كمان برنامج Fit Mama الرياضي: نظام عضوية جديد هيوفر لك كتير
ليه لازم تنسي الميزان وتفكري في الإن بودي اختبار الـ Inbody ؟
التارجت الحقيقي في حياتك هو صحتك مش شكلك، لأنك لو صحتك تعبانة عمر ما شكلك هيكون كويس لكن العكس صحيح، والبحث الحقيقي ورا الصحة هيخليكي تبدأي من عند قياسات الإن بودي، لو نسبة الدهون أعلى من المعدل الطبيعي، لو كتلة العضلات أقل، فانتي محتاجة تعيدي نظر في نظام حياتك، وعموما دي مجموعة من النصايح لو كان فعلا هدفك هو صحتك:
- كلي كويس: بنتكلم هنا عن الأكل الصحي، السعرات الحرارية أه مهمة لكن جسمنا بيتعامل مع 100 كالورس من السكر غير ما بيتعامل مع 100 كالوري من فاكهة أو خضار، تركيزك على نوعية الأكل اللي بيدخل جسمك أهم 100 مرة من تركيزك مع السعرات الحرارية.
- حركي جسمك: يا فرحتي تكوني وزنك مثالي وعضلاتك في الحضيض، مش قادرة تعملي مجهود ولا عندك قوة ترفعي شيء تقيل أو تشيلي ابنك مثلا، الرياضة حتى لو في البيت وحتى لو كانت شوية مشي مش رفاهية.
- ارتاحي شوية: طبعا وراكي مليون حاجة عاوزة تتعمل لدرجة إنك بتاكلي وانتي واقفة لكن انتي تستحقي شوية راحة لو كنتي عاوزة تكملي، البالغين عموما بيحتاجو من 7 لـ 9 ساعات نوم متواصل عشان آدائهم يكون في أحسن حالاته.
- اشتغلي على تقوية نفسك: تمارين حرق الدهون هتبني ليكي عظام أقوى، لما تشيلي أوزان هتبني عضلات، والعضلات بتحرق السعرات الحرارية يعني هتااكلي أحسن وتحرقي أكتر وتكوني أقوى، في اللحظة دي هتحسي نفسك أحسن وأقوى ومرتاحة أكتر
- ابتكري بيت صحي: لما تفتحي التلاجة وتلاقي بسكوتات وشيكولاتات غير لما تفتحي التلاجة وتلاقي خضار متقشر وقاكهة شكلها جميل.
في النهاية خياراتك هي اللي بتصنعك، وزنك مش هو المقياس، المقياس الحقيقي إنك ماتيأسيش ولا تزهقي ولا تبطلي أبدا تدوري على مصلحتك وصحتك.
التعليق باستخدام حساب فيس بوك