فيه أمهات بتعاني حقيقي مع موضوع ترتيب الألعاب في غرفة أولادهم، خصوصًا إنها أحيانًا بتبان كأنها مكركبة ومش ممكن أبدًا ترتيبها والتخلص من الفوضى اللي موجودة في المكان. بس لحسن الحظ، لكل مشكلة حل، حتى المشكلة دي. بس الأول لازم نعرف إن الألعاب بتختلف باختلاف الفترة العمرية اللي فيها أطفالك. يعني ألعاب سن ما قبل تلات سنوات غير سن فوق تلات سنين غير سن أكبر من خمسة غير أكبر من عشر سنين. كل مرحلة لها ألعابها الخاصة وحتى طريقة ترتيب مختلفة.
في الفترة اللي قبل تلات سنين، بتكون الألعاب في العموم سوفت أو طرية. مفيش فيها أجزاء صلبة، بهدف حماية الطفل من الضرر منها بأي شكل. علشان كده، فكرة إنها تتحط بشكل عشوائي أوقات بيبان كأنه ديكور. لو مساحة غرفة الطفل تسمح، بيتعمل زي سرير أرضي يتفرش بمرتبة مريحة للطفل ومتحوط من الأربع جوانب وبيتحط فيها كل ألعاب الطفل. الفكرة حلوة إنها بتوفر درجة أمان أعلى وكمان سيطرة من انتشار الألعاب في الغرفة كلها وأوقات البيت كله. المهم تخلي بالك إنه الألعاب الطريّة دي مش هتسبب الاختناق لطفلك.
في الفترة اللي بعد تلات سنين، حركة الطفل بتكون أكثر حرية وثقة، والفضول بيخلي التحكم فيه يكاد يكون مستحيل هو ولعبه. غير إن ظهور الأجزاء الصلبة في الألعاب بياخد مساحة أكبر، واللي أوقات بتكون مزعجة جدًا خصوصًا لو حد ماشي ومش واخد باله وداس عليها، بتكون مؤلمة فعلًا. هنا بقى بيظهر حل المشكلة دي متمثل في بوكس بلاستيك كبير. هو ده المنقذ الحقيقي للموضوع ده خصوصًا إنه حتى سهل على الطفل نفسه. يعني الأم تقدر تطلب من طفلها إنه بعد ما يخلص كل اللعب ده يجمعها في البوكس ويحطه بشكل منظم في ركن الغرفة. ده بيساعد على الحفاظ على ترتيب الأوضة وبيديها شكل أفضل. لازم تعرفي إزاي تختاري الاختيار العملي والسهل عليكِ واللي مش بياخد وقت طويل منك ولا مجهود خلال اليوم لأن دي واحدة من الطرق المختصرة اللي ممكن توفر لك وقت خاص بيكي تقدري ترتاحي فيه.
ودلوقتي هنوريكي شوية أفكار ممكن تجربيها
التعليق باستخدام حساب فيس بوك