المرايات مش مصممة بس لاستخدامها العادي أو عشان تتعلق كتحفة فنية أو ديكور في البيت، لكن نقدر نخليها ديكور وبرضه لها وظيفة أهم زي إنها تدي اتساع للبيت أو إضاءة طبيعية أكبر، وفي المقال ده هنقولك على أفكار مبتكرة لتزيين ديكور المنزل بالمرايات وبدون ما يكون شكلها زحمة أو مزعج.
-
الشباك المراية لديكور البيت
أفكار لتزيين ديكور المنزل بالمرايات 2022
لما الشباك يتعمل مراية وخصوصًا لو كان كبير وواسع، بيعمل امتداد كبير للمكان، ولو ده مش متاح، ممكن تعملي مرايات على شكل شباك وتحطيها على حائط من حوتئط الأوضة، هيديكي لمسة طبيعية قوي.
-
المراية الكبيرة
أفكار لتزيين ديكور المنزل بالمرايات 2022
ودي من الطرق المنتشرة جدًا في ديكور المرايات، إنك تعلقي مراية كبيرة جدًا، بس في نفس الوقت ببرواز بسيط مايخطفش العين وما يحسسش إنها مراية، وتحسي إنها امتداد للأوضة، وتقدري تزبطي حجم المراية على حسب احتياجاتك، فلو مثلًا عندك أطفال أو في أثاث في المكان ممكن يكسر المراية، فممكن ترفعيها عن الأرض لحد ما تكون أبعادها مناسب لحياتك.
-
مراية في وسط تابلوهات
أفكار لتزيين ديكور المنزل بالمرايات 2022
من الأفكار اللطيفة برضه لو انتي معلقة مجموعة تابلوهات مع بعض، تعلقي في وسطهم مراية، مش شرط تكون نفس شكل البرواز بتاعهم، بس راعي التناسق بينهم، شكلها النهائي بيكون جديد ولطيف.
أفكار مختلفة لتزيين حيطان البيت بالصور والبراويز
-
المراية الدهبي
أفكار لتزيين البيت بالمرايات
وإيه الجديد في كده؟ الجديد إن المراية الدهبي ما بتقدمش أبدًا، وهي من القطع الكلاسيكية اللي ما بتفقدش بريقها في الديكور، سواء علقتيها لوحدها أو فوق كونسول، بس حاولي لو المكان ضيق وانتي نفسك في مراية دهبي، يبقى الفريم بتاعها بسيط قدر الإمكان، برضه راعي تناسق المراية دي مع بقية ستايل أثاث بيتك، وحتى لو بيتك ستايله مودرن، تقدري تجيبي مراية دهبي بس مودرن برضه مش كلاسيك.
ممكن تشوفي هنا أحدث أنواع الستائر المودرن للسنة دي
-
المرايات الثلاثية لتزيين ديكور المنزل
وده ستايل مريح ولطيف قوي في الديكور، ودلوقتي هعرض ليكي صور لفكرة المرايات الثلاثية باستايلات مختلفة:
أفكار لتزيين البيت بالمرايات
أفكار لتزيين البيت بالمرايات
أفكار لتزيين البيت بالمرايات
أفكار لتزيين البيت بالمرايات
ودلوقتي شاركينا رأيك، أي فكرة من أفكار تزيين البيت بالمرايات عجبتك أكتر؟
ولو انتي مساحة بيتك مش كبيرة، ممكن تستفيدي بالمقال ده: أفكار ديكور لاستغلال مساحات الشقق الضيقة
التعليق باستخدام حساب فيس بوك