الحمل فترة مهمة وطويلة في حياة السيدات. علشان كده، لازم كل حامل تهتم بصحتها طول فترة الحمل، وتاخد بالها من كل الأعراض، أو الحاجات اللي بتحسها مش طبيعية في جسمها. لإنها ممكن تكون مشكلة من مشاكل الحمل، ومن المشاكل دي تسمم الحمل. واللي هنقول لك على أعراضه وأسبابه وطرق العلاج بالتفصيل.
أعراض تسمم الحمل
في الغالب أعراض تسمم الحمل، مش بتظهر غير في الأسبوع الـ20 ومنها:
- آلام الرأس وتشوش الرؤية.
- ارتفاع ضغط الدم، فوق الـ 140/90 في فحصين بفرق 6 ساعات على الأقل، خاصة بعد الأسبوع الـ 20 للحمل.
- إفراز مفرط للبروتين في البول.
- زيادة الوزن.
- الغثيان والتقيؤ.
- آلام في أعلى البطن وفي الربع الأيمن العلوي منه.
- قصور الكلى والمتمثل في قلة التبول أو ارتفاع الكرياتينين.
- نقصان في نمو الجنين داخل الرحم.
لو لقيتي عرض أو أكتر من الأعراض دي، يبقى لازم تزوري طبيبك فورًا.
هنا شوفي أهم 8 نصائح لتخفيف ومنع القيء والغثيان أثناء الحمل
أسباب تسمم الحمل
لحد دلوقتي الأسباب اليقينية لتسمم الحمل مش معروفة. لكن المحتمل لحد دلوقتي إنه سبب معين في المشيمة بيخليها تفرز مواد بتؤدي لمرض. ولما بتحصل الإصابة بتسمم الحمل، بتكون الأوعية الدموية أضيق من الأوعية الدموية الطبيعية، وبتتفاعل بشكل مختلف مع الإشارات الهرمونية، وده بيقلل كمية الدم اللي بتدفق من خلالها، وده بيحصل بسبب:
- تدفق الدم غير الكافي إلى الرحم.
- تلف الأوعية الدموية.
- مشكلة في جهاز المناعة.
- جينات معينة.
أسباب تزيد احتمالات الإصابة بتسمم الحمل
- ارتفاع ضغط الدم.
- مرض السكر.
- عدم وجود الشحميات في الدم.
- قصور الكليتين المزمن.
- متلازمة مضاد الفوسفوليبيد.
- تاريخ عائلي فيه تسمم حمل سابق.
- إن يكون ده الحمل الأول.
- الحمل متعدد الأجنة.
- أسباب مناعية وجينية.
-
مضاعفات تسمم الحمل
- النزيف الدماغي.
- السكتة الدماغية.
- انفصال المشيمة.
هنا أكتر حالات يمنع فيها استخدام حقنة الظهر “الإبيديورال”
-
علاج تسمم الحمل
- الولادة هي الحل الفوري لو في مرحلة من الحمل تسمح بيها.
- ممكن الحامل يتكتب لها أدوية وحقن تساعد على نمو جسم وأجهزة الجنين.
- أغلب مريضات تسمم الحمل، لازم يولدوا في خلال أسبوعين من ظهور الأعراض.
مع تمنياتنا ليكي ولجنينك بالصحة والعافية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
webteb.com
التعليق باستخدام حساب فيس بوك