محتويات المقال
كل يوم بتقابل الست العاملة تحديات كتير في حياتها اليومية. سواء علشان تنجز شغلها أو علشان تاخد بالها من البيت والأطفال أو علشان تنظم وقتها ومجهودها. وكل ده مش هايحصل من غير استخدام كويس جدًا لتطبيقات الهاتف الذكي.
علشان كده هانستعرض معاكم في موضوعنا أفضل تطبيقات أندرويد للأم العاملة علشان تقدر توفق بين شغلها وبيتها وأولادها.
كتير من الأحيان بيمر علينا لينكات مهمة لمواضيع عايزيين نقراها أو فيديوهات نشوفها وماعندناش وقت. أبليكيشن Pocket بيخليكي تحتفظي بالروابط دي علشان ترجعي لها في أي وقت. مش بس كده. تقدري تدخلي على حسابك في Pocket من أي جهاز كمبيوتر أو موبايل أو تابلت. وكمان تقدري تشاركي الروابط مع صحابك.
دلوقت ممكن تستغلي وقت فراغك – اللي دايما بيكون قليل ومحدود- بأفضل طريقة ممكنة في مشاهدة الفيديوهات أو قراءة المقالات مع تطبيق Pocket
لكل أم: 10 تطبيقات لا غنى عنها على موبايلك
Google Calendar
وجود تقييم مظبوط وفيه كل الحاجات اللي وراكي هي الخطوة الأولى للنجاح ليكي كأم عاملة. التقويم اللي بتحطي فيه كل الحاجات اللي وراكي وهو ينبهك بيها. من اجتماعات الشغل للزيارات العائلية لمواعيد المدارس. مافيش حاجة ممكن تنظم كل ده بشكل محترف أحسن من Google Calendar
Google Calendar بيسهل عليكي تضيفي المواعيد أول بأول. وبينبهك لها بشكل ذكي. وممكن توصليه بالإيميل علشان يعرف لوحده المواعيد المهمة زي الاجتماعات ومواعيد تذاكر الطيران وغيرها. علشان ينبهك بيها. كمان نظام التنبيهات اللي فيه ممتاز بحيث تقدري تخليه ينبهك قبل حدث معين بوقت كافي. كل ده مع القدرة على مشاركة التنبيهات والأحداث مع الأصحاب وأفراد الأسرة.
Security Camera CZ
تقريبًا لو سألنا أي واحدة بتشتغل وبتراعي أطفالها في نفس الوقت عن أمنيتها: هاتكون إن يكون عندها عين تالتة تقدر تبص بيها على أولادها وهي بتشتغل. مع تطبيق Security Camera CZ ممكن تحولي أي تليفون قديم أو تابلت عندك لكاميرا مراقبة لإنك هاتنزلي التطبيق على الجهاز بتاعك الأساسي والجهاز الزيادة القديم. وهاتتبعي التعليمات علشان توصلي الاتنين ببعض وتقدري تتابعي أولادك وهم بيلعبوا أو نايمين وتحسي بالاطمئنان عليهم وانتي بتشتغلي.
LastPass
لو شغلك له علاقة بالإنترنت (مصممة ويب أو جرافيك أو في التسويق الالكتروني) هتلاقي نفسك في مواجهة صعبة ما بين إنك تختاري كلمة سر واحدة لكل المواقع اللي بتشتغلي فيها وده طبعا غلط جدا ومش بننصح بيه. أو إنك تختاري كلمة سر صعبة لكل موقع. لكن في الحالة دي هاتنسي كلمات السر. ومن هنا بتظهر أهمية تطبيق LastPass اللي بيخزن كل كلمات السر ويستدعيها في المواقع لما ييجي الوقت المناسب.
الميزة في LastPass أنه مؤمن تماما. يعني مش بيشارك كلمات السر مع أي مواقع تانية، وبيساعدك تخزني كلمات السر الصعبة والمهمة وما تبذليش مجهود كبير في تذكرها.
التعليق باستخدام حساب فيس بوك