بعد الولادة وفرحة مجيء البيبي الجديد، مهم جدًا إنك تاخدي بالك من تطعيمات المولود في أول 24 ساعة، لإنها مش اختيارية. وفيه منها لو ضاع معادها مش هتقدري تديها لطفلك في وقت تاني. وعلشان ما تنسيش أو تتلخبطي، هنقول لك على 5 تطعيمات أول 24 ساعة للبيبي.
تطعيمات للبيبي في أول 24 ساعة بعد الولادة
- تطعيم التهاب الكبد الوبائي ب
- تطعيم شلل الأطفال
- تطعيم الدرن
- حقنة فيتامين ك
- تحليل الغدة الدرقية
-
تطعيم التهاب الكبد الوبائي (ب) للبيبي
وهي متوفرة في المستشفيات ومكاتب ووحدات الصحة ولازم تتاخد الجرعة في خلال أول 24 ساعة فقط من حياة الطفل، ودي أول جرعة من التطعيم ده، وفي سنين الطفل اللي بعدها، هياخد جرعات تانية أساسية وتنشيطية.
-
تطعيم شلل الأطفال للمولود الجديد
والجرعة دي بتكون عن طرق الفم، ومتوفرة برضه في المستشفيات ومكاتب ووحدات الصحة
-
تطعيم الدرن للمولود
ومهم بعد ما تطعمي الطفل تسجلي التطعيمات دي في شهادة التطعيمات الخاصة بيه، علشان تعرفي إيه اللي ناقص له ومواعيد الجرعات التنشيطية الجاية والمطلوبة.
بالفيديو: 3 نصايح مهمة للأمهات يوم التطعيم
وده جدول تطعيمات الأطفال اللي منزلاه اليونسيف:
جدول تطعيمات الأطفال
قائمة التطعيمات الإجبارية لطفلك من لحظة الولادة لحد سنة ونص
-
حقنة فيتامين (ك) للبيبي
مع إنها مش تطعيم، بس هي من الحاجات الأساسية جدًا اللي لازم المولود ياخدها في أول يوم بعد الولادة، ووظيفتها إنها بتمنع حدوث جلطات الدم أو النزيف الداخلي عند الأطفال الرضع، ودي نسبة إمكانية حدوثها بتكون كبيرة بسبب ظروف الولادة المختلفة.
-
تحليل الغدة الدرقية للبيبي
بيتسمى برضه (تطعيم كعب الرجل)، وبتتاخد عينة دم من كعب الرجل، بيتعرف منها مستوى هرمون الغدة الدرقية ومدى عملها ونشاطها، علشان كده لازم يتعمل بعد الولادة على طول، علشان لا قدر الله لو فيه أي خلل في نشاط الغدة الدرقية، يتلحق بأدوية لإن مضاعفاته خطيرة منها نقص النمو العام ونمو الجهاز العصبي والتطور الإدراكي.
هنا ممكن تشوفي أشهر 5 إشاعات عن التطعيمات لازم تعرفيهم
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك