أكتر سؤال بنسأله قبل وبعد تطعيم اللقاح المضاد لفيروس كورونا: “هو يا ترى إيه هي الأعراض الجانبية ليه؟” في المقال ده، هنكلمكم عن تطعيم لقاح سينوفاك أو كورونا فاك، بالتفصيل وأهم الاعراض الجانبية المترتبة عليه اللي ممكن نتوقعها خلال ساعات أو أيام من التطعيم. مين اللي المفروض ياخد اللقاح ده؟
هنا ممكن تشوفي الفرق بين أنواع تطعيمات الكورونا .. لو هتأخدي التطعيم
إيه هو لقاح سينوفاك
عبارة عن لقاح طورته المجموعة الوطنية الصينية للمستحضرات الصيدلانية/سينوفاك، ضد فيروس كورونا المستجد كوفيد 19 حصل على توصيات مؤقتة لاستخدامه.
مين مفروض ياخد سينوفاك؟
كل الناس فوق 18 سنة يقدروا ياخدوه لكن منظومة الصحة العالمية بتوصي بإن الأولوية تكون لـ
- العاملين في مجال الصحة
- كبار السن
هنا عناوين مراكز تطعيمات المصل واللقاح ” فاكسيرا”
مين مش مفروض ياخد سينوفاك
- الناس اللي ظهرت عليهم حساسية شديدة تجاه مكونات اللقاح
- الناس اللي عندهم إصابة شديدة بكوفيد 19
- الشخص اللي درجة حرارته أكتر من 38.5
يا ترى جرعته عاملة إزاي؟
عبارة عن جرعتين كل جرعة 0.5 مل بتتاخد عضل بفاصل أسبوعين لأربع أسابيع بين الجرعتين.
هنا ممكن تشوفي أعراض فيروس الكورونا للأطفال تحت سنتين
الأعراض الجانبية الشائعة بعد لقاح سينوفاك
الأعراض اللي هنتكلم عنها هنا هي الأعراض اللي تم الإبلاغ عنها خلال 28 يوم من الجرعة، والأعراض دي هي:
- ألم في موضع الحقن
- تفاعلات في موضع الحقن
- شعور بالتعب
- إسهال
- آلام في العضلات
- وعمومًا كانت معظم الآثار الجانبية خفيفة واستمرت لمدة يومين كحد أقصى بعدين اختفت.
المصادر:
منظمة الصحة العالمية
medicalnewstoday
التعليق باستخدام حساب فيس بوك