تطويل الشعر هو حلم كل واحدة فينا حتى اللي شعرهم طويل أصلًا، يمكن لإن فيه نوع كده من الثقة بتزيد معاه، مع إن الشعر القصير في منتهى الجمال والشقاوة والخفة، والعناية بيه أسهل بمراحل. يمكن المقياس الحقيقي مش فكرة شعر طويل ولا قصير قد ما بيكون شعر صحي وكثيف ولايق علينا. بس ده مش هيمنع إننا نحاول نطول شعرنا حتى لو شوية. فيه كمية وصفات وصفات طبيعية لـ تطويل الشعر كتيرة جدًا لدرجة تخليكي ممكن تحلفي إنه لأ خلاص يا جماعة أنا مش عايزة أطول شعري هو كده كويس! أوقات كثرة الوصفات بتسبب حيرة وتوتر ويمكن زهد أصلًا، حقيقي أنا من الناس دي.
هنا ممكن تشوفي إيه هو اختبار مسامية الشعر؟
بس فيه مجموعة وصفات طبيعية سهلة جدًا وبسيطة ومش بتحتاج لا مجهود ولا أي فرهدة، هي بس ممكن تكون كل اللي محتاجة له هو الاستمرارية علشان فكرة تطويل الشعر بتأخد وقت لإن بيها بس هتفضلي تحصلي على النتيجة اللي إنتي عايزاها، بس الأول لازم نعرف العوامل المؤثرة على نمو الشعر.
العوامل المؤثرة على تطويل الشعر ونموه سريعًا
- تناول بعض الأدوية اللي من آثارها الجانبية تساقط الشعر.
- نقص بعض الفيتامينات المهمة اللي ليها دور أساسي في صحة نمو الشعر.
- السن بيفرق كتير، فسرعة نمو الشعر في الشباب غير في منتصف العمر.
- العوامل الوراثية.
- التغيرات الهرمونية سواء من حمل أو رضاعة أو موانع حمل.
- القلق والتوتر أعداء الشعر.
- سوء التغذية او اتباع نظام غذائي غير متزن.
كلنا دايمًا بندور علي فيتامينات .. هنا أفضل 8 فيتامينات للشعر من الصيدلية
لو عرفتي تظبطي المجموعة دي على قد ما تقدري يبقى الوصفات اللي جاية دي هتفرق معاكي كتير، وكل ما كنتي مضبطة صحتك كل ما كانت نتيجة الوصفة أسرع وأفضل.
فتعالي نشوف مجموعة الوصفات اللي اخترناها لك.
هنا بقى أهم 8 زيوت طبيعية هتحل جميع مشاكل الشعر والبشرة
وصفة زيت الخروع والخل والبيض لتطويل الشعر
المكونات
- عدد 1 بيضة
- 3 معالق كبيرة زيت خروع (اشتريه من الصيدلية)
- 1 معلقة صغيرة بس من الخل (الأفضل يكون خل تفاح وتكون معلقة صغيرة لتجنب أي جفاف)
الطريقة
كل اللي هتعمليه إنك هتخلطي المكونات دي كلها مع بعض وتحطّيها على شعرك وتدلكي بيها فروة الرأس، ما تخافيش من موضوع ريحة البيض لإن الزيت والخل هيضيعوها، وسيبي الماسك على شعرك لمدة نص ساعة. الأول أشطفى شعرك كويس بمياه فاترة، ولما تتخلصي من كل الماسك، اغسليه بالشكل الاعتيادي بتاعك.
وصفة عصير البصل والعسل
ممكن كلمة عصير البصل تكون مؤلمة شوية اللي هو هاتعايش ازاي مع الريحة؟ بس الحقيقة الموضوع مش هيطول، كل اللي هتحتاجي له إنك تعصري بصل وتاخدي العصير بتاعه وتقلبي فيه معلقة عسل صغيرة وباستخدام بخاخة تحطيه على فروة الرأس وسيبيه بس نص ساعة واغسلي شعرك بالشكل الاعتيادي.
تطويل الشعر بوصفة القرفة وجوز الهند
الخلطة دي مضادة للميكروبات والفطريات اللي بتمنع نمو الشعر بالشكل المطلوب. بجانب إنها بتعمل على تحفيز الدورة الدموية في فروة الرأس، وبتسريع نمو الشعر. اخلطي أربع ملاعق كبيرة من القرفة المطحونة وربع كوب من زيت جوز الهند، وحطي الخليط ده على شعرك من جذوره وحتى أطرافه. سيبي الخليط على شعرك من 30 الى 45 دقيقة. بعدها، اغسلي شعرك على الطرقة الاعتيادية.
زيت اللوز وزيت الخروع
يُعتبر زيت الخروع من أفضل وأقوى الزيوت الطبيعية لتطويل الشعر، وأما زيت اللوز فيعتبر من أفضل الزيوت الطبيعية اللي بتساعد في تكثيف الشعر ومعالجة مشكلة الشعر الخفيف، وبتديه مظهر لامع ومليان بالحيوية. اخلطي نصف كوب من كل من زيت الخروع وزيت اللوز، وسخنيهم شوية على النار. حطي الخليط على شعرك وفروة رأسك، وبعد كده لفّي شعرك بفوطة وسيبيه لحد تاني يوم. بعدها اغسليه بالشامبو المناسب واشطفيه بالمياه الدافية.
الصبار وزيت الخروع
المكونات:
- 1 كوب من جل الصبار (الألوفيرا)
- 2 ملعقة كبيرة زيت الخروع
- 2 ملعقة كبيرة من مسحوق الحلبة
- قبعة استحمام (بونيه الشعر بتاع الاستحمام)
- فوطة
طريقة استخدام الصبار وزيت الخروع لتطويل الشعر
- اخلطي كل المكونات علشان تحصلي على عجينة ناعمة.
- حطي الخليط على فروة رأسك وشعرك.
- اتأكدي من التركيز أكثر على جذور الشعر، وبعد كده، قومي بتغطيته بغطاء استحمام.
- سيبي الماسك على شعرك ليلة كاملة.
- تقدري تلفي فوطة حول غطاء الاستحمام (البونيه) علشان توفري حرارة إضافية، ولمنع غطاء الاستحمام من إنه يقع أو يتزحلق.
- تاني يوم اغسلي شعرك بالماء البارد والشامبو.
- كرري هذا الماسك مرتين في الأسبوع.
دي أكتر الماسكات اللي جربناها وكانت نتيجتها مرضية، مش مكلفة، سهلة، عناصرها متوفرة في البيت، هتقدري من خلالها تحصلي على شعر أطول وصحى أكتر حتى لو قررتي في الآخر إنك تقصيه.
المصادر
www.qamaren.com
www.edarabia.com
www.aljamila.com
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك