محتويات المقال
دلوقتي فيروس كورونا ما بقاش بس منتشر، لا هو خلاص بقى أمر واقع لا يمكن تفادي وجوده، واتحول لفيروس زي كل الفيروسات اللي متعايشين معاها، زي الأنفلونزا وغيرهم، علشان كده التطعيم للوقاية من الإصابة بيه مهم جدًا، حتى لو الشخص أصيب بالكورونا، فأعراض الإصابة بعد التطعيم أخف بكتير من أعراض الإصابة قبل التطعيم واللي كانت في حالات كتير بتؤدي للوفاة.
وبرضه الاستناد على وعي الناس في الاجراءات الاحترازية من تباعد اجتماعي، ولبس الكمامات، وتعقيم وتطهير الأيادي، برضه من واقعي وعملي قوي، ومن هنا ظهر الـ Green Pass، واللي هتعرفي عنه كل حاجة في المقال ده:
-
إيه هو الـ Green Pass؟
اسمه الـ Green Pass، أو الشارة الخضراء، أو شارة المرور الخضراء، وهو تطبيق (أبلكيشن) بيتابع حالة كل شخص إذا واخد تطعيم فيروس كورونا، وكام جرعة من التطعيم ونوع التطعيم، وإذا أُصيب بالفيروس واتعافى منه من وقت قد إيه، وفي حالات معينة زي السفر لازم الشخص يسجل عليه نتيجة الـ PCR قبل 48 ساعة قبل السفر، وكل المعلومات اللي بتتعلق بالشخص وفيروس كورونا، وبيشتغل بالـ QR كود زي كده:
الـ GREEN PASS
-
الـ Green Pass بيستخدم في إيه؟
في اتجاه عالمي دلوقتي باستخدام الـ Green Pass قبل دخول النوادي والمولات والبارات والمطارات والمتاحف والأبنية التعليمية، وكل الأماكن اللي بيحصل فيها تجمعات بشرية، وكل ده علشان يقتصر دخول الأماكن دي على الناس المتعافية والمتطعمين، لإن في ناس مش قليلة ما أخدوش اللقاح، سواء بإهمال منهم أو رافضين فكرة تلقي لقاح فيروس كورونا على أساس إنها مؤامرة عالمية، ومش عاوزين يتلقوا تطعيم لسا ما حصلتش عليه أبحاث طبية كافية تتكلم عن أعراضه الجانبية.
الأعراض الجانبية الشائعة بعد تطعيم أسترازينيكا
-
إيه هي الدول اللي بتستخدم الـ Green Pass؟
الاتحاد الأوربي كله، تركيا، بريطانيا ودول أوربية وغربية كتير، وفي الدول العربية فيه أبلكيشن شبيه له بأسماء مختلفة، زي “توكلنا” في السعودية، و “شلونك” في الكويت، “الحصن” في الإمارات، ومش شرط كلهم يكونوا فيهم نفس الخصائص والمميزات، لكن بيشتركوا في متابعة حالة الشخص مع فيروس كورونا.
لكل أم: 10 حاجات لازم تعمليهم فورا لو عندك مريض كورونا
-
إيه سلبيات الـ Green Pass؟
- للأسف في ناس عرفوا يزوروا نتائج الأبليكيشن، ودي ثغرة فيه.
- زيادة الاجراءات في الحياة اليومية، حتى لو لدقايق.
- حرمان رافضي التطعيم من دخول أماكن كتير جدًا، وده هيجبرهم إنهم يتطعموا علشان يعرفوا يعيشوا بشكل طبيعي.
الأبلكيشن لسا ما اتطبقش في مصر، لكن في حالة تطبيقه هل هتلتزمي بيه وتوافقي على شروط دخول الأماكن؟
التعليق باستخدام حساب فيس بوك