محتويات المقال
Olaplex أو أولابلكس هو منتجات للعناية بالشعر على سبع خطوات – الأشهر هم 3 و4 و5 – السبع خطوات أو منتجات فيه منهم 2 ما ينفعش يستخدموا إلا في الكوافير أو الصالون، وفيه منهم 5 ينفع يتعملوا في البيت عادي. المنتجات دي كلها بتعمل على تصليح أي تلف في الشعر (من الصبغة أو المواد الكيميائية أو الحرارة أو العوامل البيئية).
لو شعرك كيرلي .. اعرفي من هنا مصطلحات الشعر الكيرلي إللي إحنا مش فاهمينها
Olaplex للشعر بيشتغل ازاي؟
في كل أنواع الشعر، الشعراية بيكون فيها تركيبة معينة، لما بتتلف الشعراية، التركيبة دي بتتفكك والشعراية بتتقصف. كل منتج من منتجات Olaplex، بيروح على الجزء المفكك في الشعر وبيلضمها في بعضها تاني. وده بيخلي شعرك أقوى من الداخل وبيعالج التلف اللي موجود وبيمنع أي تلف للمستقبل.
لو محجبة، اعرفي من هنا روتين العناية بالشعر للمحجبات
اولابلكس بينفع لأنهي نوع شعر؟
يعني هل ينفع للشعر الدهني؟ المجعد؟ المقصف؟ الجاف؟ التالف؟ المصبوغ؟ كل أنواع الشعر ينفع معاها Olaplex. أولابلكس موجود عشان يعالج شعرك من أي حاجة بتحصل له أي وقت حتى النوم على المخدة أو لم شعرك في ديل حصان والتوكة ضيقة.
رقم 3
ده بيعالج وبيقوي الشعر في 10 دقايق بس (ينصح إنك تطولي المدة لعشرين دقيقة لو الشعر تالف جدًا). الفورميولا بتاعته مكثفة ومفروض يتحط على الشعر وهو مبلول وتتغسل منه.
طريقة استخدام Olaplex 3 في المنزل
Olaplex 4
ده الشامبو .. شامبو من غير سلفات وآمن على الشعر المصبوغ وبيغذي الشعر ويقويه ويمنع تقصفه وبيرطبه وبيمنع الهيشان.
Olaplex 5
ده البلسم .. والشامبو من غير بلسم زي السمك من غير طحينة.. لازم تستخدميهم مع بعض عشان تضمني أحسن نتيجة. فيه ريفيو لمستخدمة استخدمت أولابلكس 4 و5 بتقول فيه: “غيروا شعري تمامًا وحسنّوا نهايات شعري جدًا. شعري بقى أقوى وملاحظة إنه بطل يقصف.”
التعليق باستخدام حساب فيس بوك