محتويات المقال
من أكتر المشاكل الجلدية اللي بتشغل كل سيدة أو بنت مننا في روتين العناية بالبشرة هي تفتيح المناطق الحساسة (منطقة البكيني) وازاي تلاقي وصفات طبيعية أو كريمات لتفتيح المناطق الحساسة من غير ما تسبب أي ضرر لبشرتها لأن منطقة البكيني بتتميز بحساسيتها الشديدة، خصوصًا إنها أكتر منطقة بيظهر فيها تغير اللون بشكل واضح لعدة أسباب، ومنها السمنة، ضيق الملابس الداخلية، إلتهابات المهبل المتكررة، عوامل هرمونية أو حتى وراثية أو استخدام كريم إزالة الشعر باستمرار في المنطقة الحساسة. للأسف أغلب كريمات تفتيح المناطق الحساسة من الصيدلية مش بتجيب النتيجة المطلوبة منها وأوقات بتجيب نتيجة عكسية. علشان كده كان اللجوء للوصفات الطبيعية هو الخيار الأفضل وفي نفس الوقت من مواد متوفرة في بيتك بسهولة. صحيح ممكن تاخد وقت لكن الانتظام عليها بيجيب نتيجة حقيقية من غير الإضرار بالبشرة. وكمان هنقول لك على نصائح مهمة لتقليل اسمرار المناطق الحساسة (منطقة البكيني).
6 وصفات طبيعية لـ تفتيح المناطق الحساسة
* الزبادي:
الزبادي العادي اللي موجود في أي سوبر ماركت له قدرة على تفتيح وتبييض البشرة مش بس تبييض المناطق الحساسة، وإنما كمان تفتيح بشرة الوجه، بس طالما بنتكلم على تفتيح المنطقة الحساسة، فكل اللي هتحتاجي تعمليه هو إنك تحطيه على بشرتك من 10 لـ15 دقيقة. ومن مميزاته قدرته على تخفيف أي تهيج في البشرة أو طفح جلدي.
* دقيق الحمص:
سهل تجيبي النوع ده من الدقيق من عند أي عطار كبير. كل اللي هتحتاجي تعمليه إنك تعملي منه عجينة شبه سائلة بخلطه بالمياه. يعني مش عجينة صلبة صعب فردها ولا سائلة بحيث تسبب فوضى كبيرة. ضعيه على جلد المنطقة الحساسة وكرري الموضوع من مرتين لتلات مرات في الأسبوع علشان تحصلي على أفضل نتائج لتبييض المناطق الحساسة.
ممكن تشوفي هنا أشهر الالتهابات المهبلية وطريقة التعامل معاها
* جل الألوفيرا:
النوع ده من الجل غني بالكولاجين والمعادن والفيتامينات اللي لها قدرة على تفتيح البشرة. كل اللي هتحتاجي تعمليه إنك تحطي الجل ده على بشرتك في أي منطقة بتعاني من تغير اللون مش بس بشرة المنطقة الحساسة لمدة من 20 لـ30 دقيقة من مرتين لتلاتة في الأسبوع للحصول على أفضل نتيجة.
* بياض البيض:
هاتي بياض بيضة واضربيه لحد ما تحسي إنك حصلتي على قوام متماسك زي الزبدة. واستخدميه على المناطق الغامقة وبمجرد ما يبدأ يجف، اشطفيه باستخدام المياه الفاترة. الانتظام على الوصفة دي قادر على تفتيح الأماكن الحساسة.
* البطاطس:
النشا غير مواد تانية غنية بيها البطاطس بتعتبر واحدة من أكتر المواد الموجودة في الطبيعة قدرة على تفتيح البشرة. علشان كده بوضع شرائح من البطاطس على جلد المنطقة الحساسة هتلاحظي مع الوقت تفتيح المناطق الحساسة ملحوظ مع الانتظام في الوصفة دي.
* الليمون:
استخدمي معلقتين من عصير الليمون وخففيهم في ربع كوباية مياه ورد وباستخدام قطنة، استخدمي المحلول ده على بشرتك وسيبيه من 3 لـ 5 دقايق وبعد كده، اغسليه بمياه فاترة. هتلاحظي تغير اللون من أول استخدام، لأنه من أسرع طرق تفتيح الأماكن الحساسة.
بكده جبت لك أسهل وصفات تبييض وتفتيح المناطق الحساسة، وفي نفس الوقت أقلها تأثير على البشرة. يعني أيًا كان نوع بشرتك، هتلاقي وسط دول الوصفة المناسبة لبشرتك. وفي الآخر هقول لك شوية نصائح هتحتاجي تتبعيها هتساعدك على التخلص من المشكلة دي وتقليل استمرارها.
نصائح هامة لتقليل اسمرار المناطق الحساسة (منطقة البكيني)
- لبس ملابس قطنية فضفاضة.
- إنقاص الوزن.
- الحرص على جفاف هذه المنطقة ونضافتها.
- استخدام غسول يومي للمنطقة الحساسة.
- البعد عن التعرض للحرارة وحتى تناول الأكلات اللي ممكن تسبب لك التهابات زي الأكل المليان توابل وسكريات.
- إتباع نظام غذائي متوازن مش بس هيأثر على بشرة المنطقة الحساسة وإنما في صحة بشرتك كلها.
أتمنى أكون ساعدتك في حل المشكلة دي ولو جربتي أي وصفة طبيعية لتبييض المناطق الحساسة غير اللي قولناهم وجابت معاكي نتيجة قوليها لنا في Comment.
المصادر
www.timesofindia.indiatimes.com
www.recipes.timesofindia.com
www.emedihealth.com
التعليق باستخدام حساب فيس بوك