محتويات المقال
احنا من جوانا دايمًا فيه حاجة بتقول إن الأحلام علامات أو إشارات بتتبعت مش لازم أبدًا نتجاهلها وساعات بندور على تفسيرها وخصوصاً تفسير أشهر الأحلام اللي بتتكرر مع ناس كتير زي تفسير حلم الثعبان، تفسير حلم الزواج، تفسير حلم الحمل وحلم السمك وغيرهم.
أوقات حلم واحد يكون ظاهره صعب، بس تفسيره حلو، بيخلّي نفسية صاحبه تتغير تمامًا، والعكس صحيح برضه. بس اللي لازم نحطه في حسابنا إن أوقات الأحلام بتخضع لمبدأ التأثر باللي عيشناه أو بنقرأه أو اتفرجنا عليه أو سمعناه أو حتى اللي أكلناه قبل ما ننام. فممكن يكون لو فيه حلم مزعج عديتي بيه هو بس مجرد تفريغ للضغط الزيادة في عقلك الباطن من الضغوط اليومية اللي بتمري بيها.
بس ده لا يمنع أبدًا إن فيه أحلام عامة كتير مننا بيشوفها هنشرح لك بعض منها دلوقتي. بس قبل ما نبدأ، لازم تعرفي إن الرموز في الأحلام بتتفسر في سياقها، واللي هنقوله لك دلوقتي هو التفسير العام فقط. فتعالي نعرف تفسير أشهر الرموز في الأحلام.
تفسير أشهر الأحلام
- تفسير حلم الثعبان.
- تفسير حلم الزواج.
- تفسير حلم السمك.
- تفسير حلم البيض.
- تفسير حلم الحمل في المنام.
- تفسير حلم الموت.
- تفسير حلم الفأر.
- تفسير حلم القطط.
- تفسير حلم الكلاب.
تفسير حلم الثعبان
رؤية الثعبان في الأحلام أو الحيات بصفة عامة ليها معنى عن الأعداء. وده بسبب إن الشيطان قدر يوصل لسيدنا آدم عن طريقها، وعداوة كل ثعبان بتتقاس على قد قدرتها في الشر: كبر حجمها أو سمكها.
تفسير حلم الزواج
الإمام النابلسي بيقول إن حلم الشخص بإنه بيتجوز من بنت حسنة المظهر، فالرؤية دي بتدل على الخير الكثير وعلى تحقيق الشخص الحالم الكثير من الأحلام التي يهدف إليها في حياته.
تفسير حلم السمك
بيقول بن سيرين في تفسيره إن اللي يشوف سمك في الأحلام، وعرف عددهم، فده بيدل على عدد من النساء. واللي ما قدرش يعرف العدد، فده معناه إن جاي له المال والخير. واللي يشوف وهو نايم إنه بيبص لسمك كبير تحت الماء وبيصطاد وبياكل منه زي ما هو عايز، فده معناه إن هييجي لصاحب الحلم فلوس كتير وخير كبير. واللي يشوف نفسه بيصطاد في بركة مياه عكرة، فدي مجرد أضغاث أحلام. واللي يشوف إنه بيصطاد سمك كبير، فده تفسيره الخير والمنفعة عليه. واللي يصطاد سمك صغير، فمعناها ذهاب نعمة وزوالها.
تفسير حلم البيض
البيض من الرموز اللي لها معاني كتير جدًا لإنه بطبيعة الحال له أحجام وألوان مختلفة جدًا، وبييجي دايمًا تفسيره في سياق الحلم نفسه. بس في العموم التفسير بيدور حول معنى إنه أبناء أو أموال. وأوقات بيتفسر إنه بذور أو البشرى بولادة أفكار ومشاريع جديدة.
تفسير حلم الحمل في المنام
لو عايزة تقري عن الموضوع ده باستفاضة، دوسي هنا.
تفسير حلم الموت
الموت في الحلم عند الشيخ النابلسي بيدل على فساد في الدين، وإن الفساد ده جاي مع ارتفاع في مقامك في الدنيا. وبيختلف تفسير موت لصاحب الحلم حسب تفاصيل الرؤيا وحال صاحب الحلم. وتفسيرات تانية بتدور حول إن الموت في الحلم بتدل على موت القلب وفساد في الدين، وأوقات بيتفسر بالجحود، وأوقات بيتفسر بالزواج أو أنه يدل على الأرض البور.
تفسير حلم الفأر
المفسرين للأحلام زي ابن سيرين بيقولوا إن رؤية الفأر في الحلم معناه امرأة غير صالحة أو حرامية، وده معناه إن صاحب الحلم ده في حياته حاجة سيئة. وإن دي علامة من ربنا لصاحب الحلم علشان يقدر يرجع عن أي خطأ هو بيعمله ويفوق من أي غفلة.
تفسير حلم القطط
ابن سيرين، في تفسيره لرؤية القطط في الحلم، قال إنه لو حلمت بقطة، فده معناه حظ سيء، وخصوصًا لو فشلت في قتلها أو إبعادها عنك. ولو هاجمتك قطة في الحلم، فده معناها إن في حياتك أعداء بيسعوا بكل طاقتهم لتدمير سمعتك. ولو نجحت في إبعادها، معناه إنك هتتغلب على مصاعب كتير عايشها وهتحصل على مكانة مرموقة في العمل. ولو حلمت إن فيه قطة خربشتك، فده معناه إن لك عدو هيقدر يتغلب عليك. ولو سمعت صرخة قط في الحلم، فده إنذار إنك هتقابل صديق خائن.
تفسير حلم الكلاب
من الأحلام الشائعة جدًا الحلم بالكلب، واللي له تفسيرات كتيرة جدًا بسبب تنوع شكل وحجم الكلاب مع أكيد تصرفهم في الحلم كان شكله عامل ازاي بس التفسير العام لرمز الكلب في الحلم إن الكلاب في الحلم قوم أذلاء. والكلب في الحلم ممكن يكون بيدل على الراجل الشحيح البخيل المحب جدًا للدنيا. والكلب راجل قادر على التجرء على معصية ربنا سبحانه وتعالى. وبتدل على الراجل السفيه الحقود، ولها دلالة على الدناءة في الأخلاق وأوقات على حصول صاحب الحلم على علم من غير عمل بيه.
دي كانت أشهر الرموز اللي تقريبًا بتيجي لأغلب الناس بتفسيرها العام، لكن زي ما قلنا في الأول، الأحلام عالم عميق، وقد يختلف التفسير لنفس الرمز لشخصين مختلفين حسب سياق الحلم، لأن أي رمز في الأحلام دلالته بتختلف من شخص لآخر. وفي الآخر ما تخليش الأحلام هي مصدر إحساسك الأساسي اتجاه الحياة أو مصدر قلق. ونصيحة أخيرة، الاستمرار بالحلم بأحلام سيئة لفترة مش لازم أبدًا إنك هتواجهي مواقف سيئة، لإن ممكن يكون تفسيرها إنك مضغوطة ومحتاجة ترجعي لمختص يساعدك تسترجعي توازنك ونومك الهاديء.
التعليق باستخدام حساب فيس بوك