رياضة الأطفال كتير جدًا ومتاحة، لكن إيه هو السن المناسب لممارسة الرياضة؟ وهل لكل سن رياضة أنسب من الوقت التاني؟ كل دي أسئلة جمعنا إجاباتها في المقال ده. واللي هيقولك امتى تبدأي رياضة مع طفلك وازاي، وهل الرياضة مهمة للطفل ولا هي مجرد نشاط ممكن تستغني عنه.
الأطفال أقل من 1 سنة
المفروض العيل يتشاقى ولا يقعد يكنّ عشان ما يتعورش ولا يتعب ولا يستهوى؟ ولا يتعور لا قدر الله؟ الأكيد وإنه على عكس الطلب الشهير لكل الأمهات “يا ابني أقعد” المفروض تشجعي طفلك إنه يكون نشيط طول اليوم، وبطرق كتير، يزحف، يحاول يمسك حاجة بعيدة، يزق نفسه، يرفع راسه، يحرك جسمه وأطرافه.
طفلك لازم يكون نشيط وبيبذل مجهود على الأقل 30 دقيقة في اليوم، مجرد ما تبدأ إمكانية التحرك عند طفلك، لازم تشجعيه يكون نشيط قدر الإمكان في بيئة لعب آمنة وخاضعة للإشراف في نفس الوقت.
اعرفي من هنا تطور الطفل في العام الأول شهر بشهر
الأطفال من 1لـ 2 سنة
الأطفال الصغيرين من عمر سنة لسنتين مفروض يكونوا نشطين على الأقل 3 ساعات يوميا، يعني 180 دقيقة على الأقل، وده بيكون في صورة لعب حر في الهواء الطلق، دحرجة وتنطيط، وجري، ركوب عجلة، اللعب في المية، كل دي أشكال للنشاط البدني مناسبة للأطفال في العمر ده، والنشاط هنا مش رفاهية ولا حاجة ممكن تتعمل أو لا، دي حاجة أساسية مانقدرش نستغنى عنها لو هدفنا طفل صحته كويسة.
الأطفال من سن 3لـ 4 سنين
مفروض إن الطفل من عمر 3 لـ 4 سنين يتحرك حوالي 180 دقيقة، يعني 3 ساعات تقريبا في اليوم، أهم نقطة لازم تاخدي بالك منها إن الطفل اللي أقل من 4 سنين، ماينامش قدام التلفزويون لوقت طويل أو يفضل واقف أو قاعد لوقت طويل، والأهم إنم تاخدي بالك كويس أوي لو حاسة إن طفلك وزنه أوفر، هتحتاجي بشكل عاجل إنه يقوم بنشاط إضافي ويعمل تغييرات في النشاط البدني ونظام الأكل.
الأطفال أقل من 5 سنين
كل حركة طفلك بيعملها مهمة جدا جدا.
- النط
- الرقص السباحة
- المشي
- التسلق
- ركوب العجلة
- الجمباز
- الأنشطة المختلفة في الهواء الطلق
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك