البطن الكبيرة هي أكتر حاجة مزعجة عند معظم البنات والسيدات خصوصًا بعد الولادة. والتخلص من دهون البطن حاجة مش سهلة لكن في نفس الوقت مش مستحيلة. لو ما عندكيش وقت تروحي الجيم، ممكن تخصصي لها خمس دقايق بس في اليوم تعملي فيهم التمرينات الجاية لوحدك ومش هتحتاجي أكتر من شوية تركيز والتزام، والنتيجة هتبهرك خلال شهر بالكتير.
ركلات الرفرفة
هتنامي على الأرض وتخلي رجلك مفرودين جنب بعض قدامك. بعدها هتبدأي تحركيهم لفوق وتحت رجل ورا التانية زي الصورة لمدة خمس دقايق، رغم إن التمرين يبان بسيط، لكنه بيحرق سعرات حرارية وبيديكي نتايج كبيرة في وقت قصير غير إنه بيشد عضلات البطن
تمارين الطحن العكسي
هتنامي على ضهرك وترفعي رجلك بعدها تتني ركبتك بزاية 90 سم، هتفردي إيدك بطول جسمك على الأرض، وتضمي الركبتين ناحية صدرك زي الصورة لمدة خمس دقايق ضم وفرد، التمرين دا ميزته إنه بيشد عضلات البطن الأساسية وكمان السفلية واللي بتمثل أكبر مشكلة تقريبا لكل الأمهات اللي والدة قيصرية.
تمرين الركلات الأمامية
هتمدي إيدك قدامك وما تسنديش على أي حاجة في جسمك أو حواليكي، تقعدي على ركبة وتتني التانية، بعدها تقومي وتعملي ركلة لقدام برجلك اللي كانت على الأرض بعدها ترجعي للوضع الأصلي مع تبديل الرجل وهكذا. التمرين ده فايدته إنه بيزود مرونة الجسم وبيشد عضلات المؤخرة.
تمرين تسلق الجبل
التمرين ده بنبدأه بوضع كأننا هنلعب ضغط، بنسيب مسافة بين الإيدين أوسع شوية من الكتفين، بعدها بنشد عضلات جسمنا بعدها بنحرك رجلينا بطريقة كأننا بنتسلق الجبل ونرجع الرجل ونجيب التانية وهكذا. فوايده إنه بيحرق كالوريز وبيشد عضلات الدراع.
تمرين العجلة
دا بقى مفيش أسهل منه بنام على ضهرنا وبنشبك إيدينا ورا راسنا وبنبدأ نلمس بالكوع اليمين الركبة الشمال والعكس واحنا بنقوم نص قومة فوايده كتير جدا أهمها إنه بيشد عضلات كتير في الجسم في وقت واحد.
التعليق باستخدام حساب فيس بوك