محتويات المقال
تمارين كيجل هي أول حاجة ممكن تلاقيها لما تعملي بحث عن إيه اللي ممكن يخلي عضلات الحوض أقوى، خاصة لو أثناء الحمل وبتستعدي لولادة طبيعية ومحتاجة تكوني قوية وقتها.
في المقال ده هنتعرف سوا على تمارين كيجل وفوائدها للمرأة وهي حامل.
إيه هي تمارين كيجل؟
تمارين كيجل اتسمت على اسم دكتور النساء “أرنولد كيجل” وهي بتشتغل على تقوية منطقة قاع الحوض، اللي هي مجموعة من العضلات والأربطة اللي بتنزل زي الحبال بين الوركين علشان تدعم المثانة والرحم والأعضاء التانية، وكمان تتحكم في تدفق البول وتقلص المهبل وعضلة الشرج.
هدف تمارين كيجل هو إن عضلات الحوض تتشد وبعدين ترتخي لوقت قصير، والأحسن إنك تشتغلي على مجموعات قصيرة من التمارين أكتر من مرة طول اليوم.
إزاي تبدأي في ممارسة تمارين كيجل؟
- إوصلي للعضلات الصح وعشان تحدديها جربي إنك تتوقفي عن التبول أثناءه، ولو قدرتي توقفي فهي دي العضلات اللي المفروض تحركيها، ممكن تتعمل التمارين دي في أي وضع، بس هيكون أسهل إنك تعمليها في الأول وإنتي نايمة على ضهرك.
- حافظي على تركيزك عشان توصلي لأحسن نتيجة وركزي على شد عضلات قاع الحوض، بس مش بطنك ولا الأفخاد ولا الأرداف وما تحبسيش نفسك بالعكس اتنفسي بحرية وإنتي بتتمرني.
- وكرري ده 3 مرات في اليوم واعملي لنفسك تارجت 3 مجموعات على الأقل كل مجموعة 10 أو 15 عدة في اليوم.
فوائد تمارين كيجل
- الخبراء متفقين إن تمارين كيجل لما تتعمل بشكل صحيح، بتبقى مفيدة جدًا لتقوية عضلات قاع الحوض عند الست، بس مش دايمًا الموضوع بيكون بالسهولة دي.
- أحيانًا بيبقى في ستات قاع الحوض عندهم أصلا مشدود، ففكرة إنه يتشد زيادة دة مش هيساعد في الولادة الطبيعية اللي الست بتحتاج فيها إنها ترخي العضلات وتشدها طول الوقت.
- “ليندي فيستال” وهي معالجة فيزيائية أمريكية بتقول: الحكم إن الستات الحوامل لازم يعملوا تمارين كيجل حاجة مفيهاش أسود أو أبيض.
- عشان صحة الحوض مش حاجة ثابتة بالنسبة لكل الستات، وفي فوائد طبعًا لتقوية عضلات الست أثناء حملها، عشان تقدر تولد وتسترد صحتها بشكل كويس بعد الولادة، علشان كده نصيحتنا إنك ما تركزيش على حركات شد العضلات بس، لأن قاع الحوض بيحتاج للشد والإرخاء بنفس الدرجة، الموضوع متعلق بالتوازن بين كل التمارين الرياضية اللي الست المفروض تعملها.
المصادر:
What’s your Reaction?
التعليق باستخدام حساب فيس بوك