تنسيق الأطقم المختلفة في الوقت اللي فيه هدوم عمرها ما بتقدم – من الآخر موضة ما بتقدمش – عادةً بتكون أطقم مكونة من ألوان محايدة، ومتناسقة في نفس الوقت. فلو انتي من الناس اللي ما عندهاش وقت ولا صبر تتابع الموضة وعلى طول مستعجلة. أو بتسافري كتير وما عندكيش مساحة تاخدي هدوم كتير، في المقال ده، هتلاقي أفكار هتخليكي تطلعي من قطع قليلة جدًا أطقم أو outfits كتير وكلها شيك ومقبولة. في المقال ده، هنرشح لك القطع الأساسية اللي هتساعدك في تنسيق الملابس وخلق كذا طقم من نفس عدد الملابس.
اقري كمان: 40 فكرة لتنسيق ملابس الجامعة هذا الشتاء
قطع أساسية في تنسيق الملابس
جاكت جلد
الجاكت الجلد
مفيش دولاب في مصر تقريبًا ما فيهوش الجاكت الجلد الأسود، ده بنسميه القطعة الخالدة. وده من القطع الأساسية لو قررتي إن دولابك يكون بسيط وما فيهوش تفاصيل كتير. اعرفي عن المينيماليزم هنا.
الجاكت الترنش Trench Coat
الجاكت الترنش
ده قطعة أساسية في دولابك وبيكون مناسب في الخريف والشتا، هتلاقيه في كل المحلات، وهو من القطع المشهورة والمميزة في الدولاب، اللون اللي بنرشحه ليكي هو اللون البيج أو الكاكي، وممكن كمان تستخدمي الأسود أو الكريمي.
جاكت بيج
أهو ده السهل الممتنع، جاكت كتان أو بوليستر أو قطن، المهم يكون جاكت مريح بالنسبة ليكي وبسيط جدًا ما فيهوش أي شيء أو نقشة. اقري كمان: لمحبي التريكو.. اعملي بنفسك جاكت تريكو
تي شيرت basic
تي شيرت أبيض وواحد أسود دول من الأساسيات، أو قميص أبيض، بنتكلم في العموم عن قطعة ملابس أساسية بالألوان الأساسية الأبيض أو الأسود
تي شيرت مخطط
تي شيرت مخطط كحلي في أبيض أو أسود في أبيض، القطعة دي من الأساسيات المنسية، سواء بكم أو نص أو تلتين. في كل الأحوال، هي منقذة وبتليق على حاجات كتير جدًا فوق ما خيالك يجيب.
بنطلون جينز
البنطلون الجينز من الأساسيات برضو في الدولاب سواء كان أزرق أو رمادي، غامق أو فاتح في كل الأحوال هو منقذ. حلي لغز البنطلون الجينز واعرفي ازاي تختاري الموديل المناسب ليكي
اقري كمان: 34 طريقة لتنسيق البنطلون الجلد هذا الشتا
بنطلون أسود عادي
من الأساسيات برضو البنطلون الأسود السيمبل رجله ولا واسعة ولا ضيقة، مستقيم بسيط بدون أي تفاصيل أو زركشة أو خلافه.
صندل بيج
دي بقى المنقذ الحقيقي بتليق على كل وأي حاجة، جينز، فساتين، جيب، بناطيل، كلاسيك وكاجوال، ماشي مع كله.
جزمة سودا فلات
دي المنقذ، القطعة الكلاسيكية الخالدة اللي هتساعدك في كل إطلالاتك من غير ما تقول لأ.
جزمة سنيكرز أبيض كاجوال
برضو من الحاجات المحايدة اللي بتليق على اللبس الكاجوال، وبتدي مظهر راقي وشيك خاصة لما تحافظي على نضافتها ولونها الناصع باستمرار. اعرفي 5 طرق لتنسيق الكوتش الأبيض.
طريقة التنسيق
الصور دي هتساعدك تنسقي بس في العموم كل العناصر اللي ذكرناها بتليق على بعضها وبقوة وتقدري تنسقيهم زي ما انتي عاوزة
تنسيق الملابس
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك