الدورة الشهرية الزائر شبه الدائم عند الستات. كتير مننا بيفكر ازاي يخفف من أعراض التعب والوجع والـpms للي بتحصل معانا وبتخلي الأسبوع اللي الدورة الشهرية، وأول ثلاث أيام منها عصبية ونرفزة وحساسية وعياط وانفعال عالي. كلنا حقيقي بنتحول لشخصيات تانية غير المعتاد بتاعنا. علشان كده، كلنا بنركز ازاي ناخد فيتامينات أو نمارس رياضة أو حتى نتناول مشروبات إيه تخلي الأيام دي تعدي. لكن قليلين هم اللي بيفكروا في تنظيف الرحم بعد الدورة الشهرية يعني ازاي يساعدوا الرحم يتخلص من آثار الدورة كل شهر حفاظًا على صحته. وهو ده اللي احنا جايين نتكلم فيه معاكم، فتعالي نتكلم الأول عن التصرفات الشخصية اللي لازم نعملها، وبعد كده هنقول لك على أعشاب طبيعية مفيدة في تنظيف الرحم.
نصائح للنظافة الشخصية للمنطقة الحساسة
- أول حاجة تأكدي من التنظيف التام: تأكدي من التخلص من أي آثار للدورة أو الإفرازات المهبلية علشان تمنعي أي فرصة لظهور عدوى بكتيرية.
- استخدمي المياه الدافية وفوطة قطنية نظيفة: والتنظيف بيكون من الأمام للخلف، لمنع حدوث أي عدوى من فتحة الشرج للمهبل.
- تجنبي استخدام أي صابون قاسي أو جيل استحمام: لإن لهم أثر سلبي جدًا على المكان اللي طبيعته حساسة. ده بيسبب جفاف المهبل وتأثير على توازن الـph وبالتالي فرصة لزيادة الإفرازات غير المرغوبة وزيادة فرص الالتهابات والعدوى. استشيري طبيب نساء لوصف أفضل غسول مهبلي يناسب حالتك الصحية.
- لو حسيتي إنك خلال فترة الدورة الشهرية كنتي بتعاني من إحساس بالحكة، فأفضل علاج لها إنك تملي حوض الاستحمام مياه دافية فيها نص كوباية ملح خشن وكوباية من مغلي البابونج (اللي أوقات بيتسمى شيح بابونج) واقعدي فيه. التركيبة دي كفيلة إنها تخلصك من الشعور ده تماما وتحقق لك تطهير فعال للمهبل.
- احرصي على التخلص من الشعر الزائد: علشان تحافظي على نظافة المكان وما يكونش بيئة مناسبة لأي عدوى.
- لازم تلبسي ملابس داخلية قطنية 100%: لأنها الوحيدة اللي بتحافظ على جفاف المنطقة، وفي نفس الوقت بتوفر لها تهوية صحية.
- اشربي عصير الأناناس والتوت والرمان: دخلي عصير الأناناس والتوت والرمان كجزء أساسي في نظامك الغذائي علشان قدرتهم على الحفاظ على صحة رحمك.
هنا هتتعرفي على طرق إزالة الشعر من المنطقة الحساسة بدون ألم
اللي فات ده أسلوب حياة وروتين لازم تثبتيه في حياتك. هنقول لك دلوقتي على شوية أعشاب تقدري تشربيها كشاي يوميًا علشان تساعد على تنظيف الرحم بعد الدورة الشهرية والتخلص من جميع آثارها ، وفي نفس الوقت تساعدك على الحفاظ على صحتك.
تعرفي هنا على أسباب تأخر الدورة الشهرية غير الحمل
طرق طبيعية لـ تنظيف الرحم بعد الدورة الشهرية
-
الزنجبيل
بيتميز إنه بيزوّد من التدفق الطبيعي للدم في الرحم اللي بيكون مشبع بالأكسجين. ده غير قدرته على مقاومة الالتهابات الداخلية، وإزالة السموم ودعم وظائف الكبد. اشربيه خلال الدورة وبعدها لتنضيف الرحم.
-
البابونج
من أكتر الأعشاب اللي لها تأثير إيجابي على الصحة العامة للمرأة. فقدرته على تهدئة الأعصاب وتنضيف الجسم ومقاومة الالتهابات الداخلية والخارجية فوق الممتازة، يعني اشربيه كشاي أعشاب وكغسول للمنطقة الحساسة عندك بدون خوف وبنتيجة مضمونة.
دول أشهر عشبين وأسهلهم في الأعشاب الطبيعية للحصول على نتيجة مؤكدة كمان من أول استعمال. بس لو لاحظتي في نفسك ظهور أعراض غير مريحة مش بتخف بالوصفات المنزلية الاعتيادية. لازم ترجعي لطبيبك فورًا. اوعي تأخري الكشف أو تهمليه. صحتك أهم حاجة عندنا.
التعليق باستخدام حساب فيس بوك