محتويات المقال
في رحلة الحمل الأمهات بتواجه صعوبات وتغيرات نفسية وجسدية كتير ممكن تسببلها أعراض متعددة زي تورم القدمين اللي الغالبية العظمى من الحوامل بتتعرضلها.. تورم القدمين بالرغم من إنه أمر طبيعي كل الحوامل بتمر بيه، إلا إنه ممكن يبقى ليه عوامل لازم تحذري منها وفي المقالة دي هنتكلم عن أعراض وأسباب تورم القدمين وطرق العلاج.
أعراض وأسباب تورم القدمين في فترة الحمل
حوامل كتير بيحصلهم تورم في القدمين وممكن التورم يحصل في أي وقت طول رحلة الحمل، لكن معظم الحوامل بتتعرض ليه بشكل ملحوظ في الشهور الأخيرة من الحمل ومن أبرز الأعراض:
- إنتفاخ في القدم.
- عدم الارتياح عند الوقوف لفترات طويلة.
- عدم القدرة على إرتداء مقاس حذائك المعتاد وممكن تحتاجي لحذاء مريح أو مقاس أكبر.
إما عن أسباب تورم القدمين فهي بتكون ليها كذا عامل ومن ضمنها:
- درجات الحرارة العالية في فصل الصيف.
- تأثير الهرمونات على الجسم اللي ممكن تسبب إحتباس المياه في الأنسجة.
- قلة شرب المياه.
- كتر إستهلاك الأغذية اللي بتحتوي على الموالح.
- إرتفاع ضغط الدم.
- نقص البروتين والبوتاسيوم.
- كثرة إستهلاك الكافيين.
- أمراض الكلى والكبد.
- زيادة حجم الرحم وضعف الأوردة.
فوائد حمض الفوليك اسيد للحوامل
علاج تورم القدمين أثناء الحمل
تورم القدمين بيختفي تمامًا بعد الولادة لكن للأسف الشديد مفيش طريقة فعالة تضمني بيها عدم التعرض للتورم أو القضاء على الورم بشكل كامل في فترة الحمل، لكن ممكن تتبعي شوية النصايح البسيطة دي عشان تخففي من الوجع:
- تجنب الوقوف لفترات طويلة.
- رفع القدمين عند الجلوس أو النوم.
- تجنب الأحذية غير المريحة وإرتداء الأحذية المريحة للقدمين.
- شرب المياه بشكل منتظم.
- تجنب الأكلات اللي بتحتوي على نسبة عالية من الأملاح.
- ممارسة رياضة المشي.
- النوم على الجنب الأيسر.
- قياس ضغط الدم بشكل دوري.
- تجنب لبس الملابس الضيقة اللي ممكن تقلل من تدفق الدم.
- تجنب استهلاك كميات كبيرة من الكافيين.
طرق علاج الحموضة في فترة الحمل
هل فيه قلق من تورم القدمين في فترة الحمل؟
بالرغم من إنه تورم القدمين أمر طبيعي أغلب الحوامل بتمر بيه، لكن أحيانًا ممكن يكون مؤشر خطر لا قدر الله في الحالات التالية:
- في حالة إن تورم القدمين ظهر بشكل مفاجىء في قدم واحدة.
- في حالة إن تورم القدم شديد لدرجة إنه ينمعك من ممارسة حياتك بشكل طبيعي.
- تورم مفاجىء في منطقة الوجه وحول العين واليدين.
لو ظهرت عليكي أي من الأعراض دي لازم تستشيري طبيب النسا الخاص بيكي لعمل الفحوصات اللازمة والاطمئنان على صحتك وصحة الجنين.
اعرفي من هنا الممنوعات طوال فترة الحمل
بنحب نفكرك إنك لاوم تستشيري طبيب النسا الخاص بيكي طول رحلة الحمل وخصوصًا لو ظهر عليكي أعراض تورم القدمين عشان تطمني، وبنتمنى ليكم دوام الصحة والسلامة.
المصادر:
التعليق باستخدام حساب فيس بوك