تبدأ الشهور الأخيرة في السنة، ونبدأ ندور على توقعات السنة الجديدة ونتمنى تكون توقعات برج معين أحلى من السنة اللي بتخلص، وبعدين نبدأ نكتب أمنيات وخطط السنة الجديدة اللي بتونس أخواتها السابقين في الآخر. المهم يعني، خلينا دلوقتي نعرف توقعات الأبراج 2022 ونعرف كمان مين أكتر الأبراج حظا ومين أقلهم حظ في السنة الجاية، حسب عالمة الفلك ماغي فرح.
توقعات الأبراج 2022 من ماجي فرح
توقعات برج الحمل 2022
ماغي فرح بتتوقع لمواليد برج الحمل سواء رجالة أو ستات إن السنة دي هتكون سنة كريمة والحظ هيرجع لك فيها. هتتملي فرص وأحداث إيجابية مهمة هتخليكي متفائلة. في الجانب المهني، هتحققي ذاتك وتمشي في سكة هايلة وتحققي نجاح كبير. وعلى الجانب العاطفي، هتعيشي أوقات سعيدة، إما هتقعي في حب (لو انتي سينجل) أو حياتك العاطفية مع شريك حياتك هتزدهر لو انتي مرتبطة أو متجوزة.
توقعات برج الثور 2022
لو انتي امرأة برج الثور، ماغي فرح بتتوقع إن بداية من أغسطس، حياتك هتجري ناحية الأفضل، هيكون عندك فرص وحظ كبير. ده لإن أول 7 شهور من السنة لحد أغسطس، الحظ مش هيبقى معاكي قوي. على الصعيد المهني، حدسك في مجال الشغل هيكون صح، والحال هيستقر. على الجانب العاطفي بقى، آخر 3 شهور في السنة هتشهد حب جديد أو جواز، استقرار برضه.
توقعات برج الجوزاء 2022
ماجي فرح بتقول إن حياة امرأة برج الجوزاء هتشهد انقلابات وتغيرات كتير في 2022، وهتعيد نظرها في حاجات كتير وهتتسائل عن مستقبلها. وهتحصل ظروف طارئة هتخلق تغيرات جذرية. في مجال الشغل، أفضل وقت تحسني فيه وضعك المهني هو أول نص من السنة، وتاني نص من السنة هيجيب لك أخبار حلوة وهيتقلب حالك تمامًا للأفضل. أما عاطفيًا، فهتبعدي عن العلاقات السطحية والعابرة وتركزي في الاستقرار.
توقعات برج السرطان 2022
السنة دي على امرأة برج السرطان هتكون سنة أفضل بكتير من السنين اللي فاتت. على الصعيد المهني، نص السنة الأول لحد عيد ميلادك، هيكون فيه حاجات جديدة وعدم استقرار وشوية صعوبات ومن عيد ميلادك لحد آخر السنة، هتتمردي على الوضع وتفتحي بنفسك أبواب لنفسك وهتاخدي حظ هايل يعوضك عن صعوبة النص الأول. أما عاطفيا، فنصيحة ماغي فرح إنك ما تقفليش الباب تمامًا في وش الماضي لو رجع لك.
توقعات برج الأسد 2022
ماجي فرح بتقول إن 2022 لامرأة برج الأسد هتكون سنة استثنائية على كل الأصعدة، وهتكون سنة كلها حظ. على الصعيد المهني، فيه مشروع هتبدأيه هيكون مسار تحول كبير في حياتك. وعلى الجانب العاطفي، فكل الحب والأخبار الاستثنائية والانبساط هيكون من حظك.
توقعات برج العذراء 2022
برضه عيد ميلادك هيكون فيصل يا مولودة برج العذراء. وقتها هتشوفي الأمور بشكل أوضح وأوضاعك هتتحسن. قبل عيد ميلادك للأسف على الصعيد المهني هيكون فيه ظروف مفاجئة مش هتلاقي بسببها استقرار أو سلام. فخليكي واقعية وبلاش تعملي أي استثمارات مش مضمونة. ومن توقعات الأبراج 2022، إنك عاطفيًا، هتمري بأزمة في حياتك العاطفية، لكن في آخر السنة هيكون فيه لقاء مثير ومشوق.
توقعات برج الميزان 2022
امرأة برج الميزان، حسب ماجي فرح، مرت بسنين مش لطيفة من أول 2014 لحد السنة دي، 7 سنين مش سهلة خالص، لكن هتنتهي و2022 هتكون سنة الانفراجة والنور اللي في آخر النفق. مهنيًا، لازم ناخد بالنا في أول 5 شهور ونمسك إيدينا شوية وندير أمورنا بحكمة، من أول 11 أغسطس، الأمور هتكون أحسن وهتزهزه جدًا. عاطفيًا، عندك فرص حب كتير، وممكن صداقة عادية تتحول لعلاقة حب قوية.
توقعات برج العقرب 2022
عارفة المشاكل وخيبة الأمل والصعوبات اللي كانت في حياتك بقالها شوية دي؟ مفروض إنها تخلص بقى السنة دي! ماجي فرح بتقول إن امرأة برج العقرب مهنيًا مفيش حاجة هتوقفها أو تقلل إحساسها بالثقة في النفس. أما عاطفيًا، ففيه رومانسية وحب دافي وعميق مع شخص جديد هترتبطي به ويمكن كمان تتجوزيه.
توقعات برج القوس 2022
امرأة برج القوس هتكون سنة 2022 بالنسبة لها سنة استثنائية، هتحصل لها فيها تغييرات مربكة لكن بعد الارتباك، هتعرفي إيه الأحسن لمصلحتك. مهنيًا، ماجي فرح بتحذرك من أي استثمار، وبتنبهك من الكدابين والنصابين والحرامية خصوصًا ناحية أواخر السنة. وعاطفيًا، هيكون عندك جاذبية عالية وعواطف حارة وارتباط جدي.
توقعات برج الجدي 2022
إشراقة جاية لك.. تقدير من شخص، أو من مؤسسة، أو ترقية، أو سفر أو فلوس. امرأة برج الجدي هيتفتح لها باب رزق واسع وتخفيف من الضغوط في الشغل. وعلى الصعيد العاطفي، هيكون فيه استقرار، وفتح باب علاقة جديدة أو استعادة صديق أو حبيب قديم.
توقعات برج الدلو 2022
آخر سنتين كان فيهم ضغط كبير عليكي، يا مولودة برج الدلو. ده هيتغير في 2022، حيث التأثرات الإيجابية كلها اللي هتعيد بناء ثقتك في نفسك. مهنيًا، أبواب كتير هتفتح قدامك وهيكون عندك فرصة تعملي مشروعك. عاطفيًا، السنة هتبدأ بعلاقة جديدة، أو جو رومانسي مش متعودة عليه. لو متجوزة، السنة دي هيزورك مولود جديد!
توقعات برج الحوت 2022
سنة تحديات وشقا، لازم يكون عندك مهارة وحكمة وانتي بتتعاملي معاها يا حوتة. خدي بالك طريقة تعاملك مع الأحداث هتحدد حظك، يعني كل ما تكوني متفائلة، الحظ هيكون أحلى. في الشغل، الأعباء والمسؤوليات هتزيد في النص التاني. وعاطفيًا، هتاخدي قرار مهم ومصيري، يمكن في آخر السنة تقابلي حبيب أو صديق جديد.
المصدر
عرب حظ
التعليق باستخدام حساب فيس بوك