محتويات المقال
معظم إللي بيحبوا يتابعوا الأبراج وتوقعات الفلك عارفين خبيرة الأبراج ماجي فرح إللي معودانا كل سنة إنها تقول توقعاتها للعام الجديد وكمان بتقول توقعاتها للأبراج كل شهر.
ماجي فرح عملت حوار مميز مع مجلة سيدتي الشهر ده، اتكلمت فيه عن 2020 وعن توقعاتها للسنة الجديدة 2021 وإحنا هنقول لكم أهم التصريحات إللي قالتها في الحوار ده..
السنة دي ماجي كتابها الجديد اسمه “تحولات كبرى ومعالجات شاقة” وهو عن دار نشر “أنطوان هاشيت” وهو كتاب دسم 470 صفحة مليان معلومات وتوقعات لكل الأبراج.
ماجي بتقول إنه حركة الأفلاك السنة دي هتبقى أفضل من حركتها في عام 2020، ولكنها لن تخلو من وجود مربّع هيكون المرة دي مع ساتورن وجوبيتير، إللي هينتقلوا إلى برج الدلو، وهيشكلوا مربع مع أورانوس الموجود في برج الثور منذ سنتين، لخلق جو آخر هيكون أقل وطأة من الكواكب الـ3 الأخرى، اللي سبق وذكرناها، ولكنها هتعمل بعض الصدمات والمفاجآت إللي ممكن تكون سلبية، خاصة مطلع عام 2021، ومن ثم هتكون مفاجآت إيجابية نوعاً ما خلال الصيف، بداية شهر يونيو، مع وجود بعض المشاكل والخضات والحروب الأهلية وتغيير أنظمة في الشرق الأوسط، حتى إن الدول العربية ستكون في قلب العاصفة.
ماجي قالت إنه الأبراج الأكثر حظا في 2021 هي الميزان والحمل والقوس والجوزاء.. أما الأبراج إللي هتعيش بعض الصعوبات فهي العقرب والثور والأسد أما برج الدلو فسينتقل للضوء رغم التحديات إللي عاشها وهيمر في النفق..
أما الأبراج إللي هتنتقل إلي موقع مريح فهي السرطان والحوت والعذراء والجدي وقد يشعر أصحابها بإنقلاب نحو الأفضل.
توقعات ماجي فرح للأبراج لسنة2021
توقعات ماغي فرح لبرج الحمل 2021
ماجي بتقول لك إنها سنة الانفراجات. وقسمتها على ثلاث مراحل: من يناير ليونيو هتكون فترة صعبة فيها تغيرات وتحديات كبيرة. المرحلة الثانية من يونيو لحد أكتوبر: دي فترة الحصاد خلال السنة وهتكون فيه مفاجآت سعيدة على المدى الطويل. المرحلة الثالثة من أكتوبر لحد ديسمبر فترة انتصارات وتطورات مذهلة هتعوض السنين الصعبة اللي فاتت. في المراحل الثلاثة هتقابل ناس جديدة وتودع ناس قديمة. لو انتي سينجل، لازم تفكري بجد في الارتباط السنة دي. احتمال تخسري شغلك القديم، لكن هتحققي نجاح رائع في الاستثمارات وخصوصًا العقارية.
توقعات ماغي فرح لبرج الثور 2021
من أكتر الأبراج حظًا السنة دي، وهتحقق نجاح متميز في مجالات الاستثمار اللي هتدخلها السنة دي. سنة فيها تغيرات كتير. بداية السنة هتدخلها امرأة برج الثور وهي حاسة إن قلبها تقيل بسبب عدم التوافق مع شريك الحياة بس الدنيا هتضبط جدًا مع نص السنة.
توقعات ماغي فرح لبرج الجوزاء 2021
يبدأ التغير بعد سنين طويل من المشقة والتعب والحظ الوحش. سنة 2021 سنة استثنائية لامرأة الجوزاء اللي هتلاقي فيها فرص واستقرار وحكمة في القرارات. نجاح كبير في العمل وشوق شديد لشريك الحياة وسعي في التواصل والتقارب أكتر معاه.
توقعات ماغي فرح لبرج السرطان 2021
سنة مفصلية جدًا لبرج السرطان، فهي واقفة في مفترق الطرق لكن هتختار بشكل صحيح وهتمشي في خط مستقيم. سنة فيها شوية تناقضات ما بين الحظ الكويس جدًا وما بين الحظ السيء جدًا. هتلاقي مفاجآت حلوة جدًا على الصعيد المالي والمهني والعائلي: أرباح مالية في أول السنة بتتراجع في الصيف وترجع تاني مع دخول الخريف. هتمر بفترة فتور عاطفي، وهتنهي علاقة فاشلة بعد ما تقابل حب كبير هيوصل للزواج، ولو متزوجة مش هيملى قلبها غير الزوج.
توقعات ماغي فرح لبرج الأسد 2021
سنة مليانة بالفرحة، هيكون فيها تغيرات جذرية في مجال العمل. فترة الحظ عندها هتبدأ مع النص التاني من السنة على الصعيد المالي والمهني. الفلك بيحذرك من آخر السنة علشان فيه ناس بتترصد توقعك في مشاكل. هتظهر خلافات مع شريك الحياة وهيكون فيه قرارات متسرعة هيكون لها تأثير على العلاقة.
توقعات ماغي فرح لبرج العذراء 2021
مولودة برج العذراء هتلاقي دعم من الفلك في النصف الأول من السنة، هتحصل على ترقية عالية جدًا في شغلها. السنة دي هتكون سنة مربحة على المستوى المادي. لو سنجل، هتقابلي الحب في التلت الثاني من السنة وتعيشي قصة حب قوية بتوصل للجواز. ولو متجوزة، هتلاقي الاستقرار والارتباط الأقوى بشريك الحياة.
توقعات ماغي فرح لبرج الميزان 2021
سنة 2021 بتمشي حسب أهواء سفينتها، هتظهر لها الضغوط والحظ الصعب في أول السنة وهتسبب لها تعطل وشوية مشاكل لكن سرعان ما يتغير كل ده مع الربع الثاني من السنة. هتتلقى أخبار رائعة وهتكون سنة تألق رائع ليها هتحصدها على آخر السنة.
توقعات ماغي فرح لبرج العقرب 2021
سنة متقلبة بين الإيجابيات والسلبيات. أبواب كتير هتتفتح لها على مستوى الأصدقاء والعمل والعلاقات الشخصية. لازم تاخد بالها في الفترة من أكتوبر علشان هتكون فترة مفترق طرق كبيرة ليها بس الفلك في العموم معاها.
توقعات ماغي فرح لبرج القوس 2021
هي سنة الاستقرار والأحداث المتنوعة. لو بتعاني من أي مرض، فالشفاء هيبدأ في شهر يونيو. السنة هتكون بدايتها جيدة، وتظهر الفرص الرائعة مع شهر يونيو. لو سنجل هتقابلي السنة دي حب حياتك ولو متزوجة هتسعي لتحسين علاقتك بزوجك.
توقعات ماغي فرح لبرج الجدي 2021
سنة التناقضات والأمور الغريبة. احذري من أشخاص حواليكي بيتربصوا بيكي. حاولي تسيطري على تسرعك والمبالغة اللي فيكي. اتعلمي تصبري واسمعي لنصايح اللي بيحبوكي. دخلك بيزيد باستمرار بس ده لا يعني إنك مش هتقابلي شوية مشاكل. عديتي على سنتين صعبين على المستوى العاطفي والسنة دي هتبدأي في الاستقرار.
توقعات ماغي فرح لبرج الدلو 2021
عام التجارب الصعبة والحظ العسر. هتقابلك شوية مشاكل مع الزملاء في النصف التاني من السنة لكن الدنيا هترجع كويسة تاني. الصيف هييجي عليكي بالأخبار الحلوة. الخلافات بينك وبين شريك حياتك هتخلص وتعيشي معاه في سعادة.
توقعات ماغي فرح لبرج الحوت 2021
سنة تطورات وانعطافات كبيرة جدًا. سنة مفترق الطرق اللي مش هتبقى عارفة تختار إيه فيها. هتاخد قرارات جريئة على الصعيد المهني والشخصي بس هتقدر تحقق أهدافها من خلالها. هتكسب أموال كتيرة وتعيش قصة حب من جديد مع شريك حياتها لو متزوجة أو لو سنجل، هتقابل حب عظيم السنة دي.
دي كانت نظرة ماغي فرح السنة دي للأبراج واحنا هنا بنتمنى لكل أصحاب الأبراج أسعد الأيام كل سنة وتكون مليانة بالفرح والأخبار الحلوة.
لو بتحبي الأبراج ممكن تعرفي صفات كل برج بالتفصيل
صفات امرأة برج الميزان بالتفصيل
صفات امرأة برج العقرب بالتفصيل
صفات امرأة برج العذراء بالتفصيل
صفات امرأة برج الميزان بالتفصيل
التعليق باستخدام حساب فيس بوك