ما افتكرش إن فيه شتاء عدى علينا ببرودة جو زي جو شتاء 2022، موجة الصقيع مستمرة بالأسابيع ومفيش فاصل وفيه بعض المدن وصلت فيها درجة الحرارة لصفر وتحت الصفر كمان. ده غير اليوم اللي أهالي أسكندرية صحيوا فيه لقوا الشوارع كلها لونها أبيض من التلج. وطبعًا سكان المدن الجديدة زي التجمع والشوق والشيخ زايد عايشين في القطب المتجمد المصري. ومع برودة الجو كل الأمهات بتدور ازاي تدفي ولادها في الصقيع ده وخصوصًا وقت المدرسة، ومن ضمن أفكار الأمهات دي هي ثيرمال للأطفال أو أطقم الدفاية أو الملابس الحرارية زي ما بعض الناس بتسميها. الثيرمال thermal بيبقى عبارة عن قطعتين بنطلون وتيشيرت بكم، مصنوعة من مادة بتساعد على تدفئة الجسم وبيبتاع في أماكن كتير في القاهرة هنقول لك أفضل أماكن تشتري منها ثيرمال للأطفال بخامات كويسة.
أجمد أماكن شراء ثيرمال للأطفال ( ملابس حرارية) للشتاء
- LC Waikiki
- Marks & Spencer
- Thermoegypt
- Junior Tex
- Carrot
- الصياد
LC Waikiki
متوفرة في محل LC waikiki وممكن تشوفي كمان أونلاين على موقعهم الرسمي من هنا. سعرها بيبدأ من حوالي 200 جنيه.
Marks & Spencer
من أشهر الأماكن اللي بتبيع الثيرمال المشهورة بخامتها الممتازة في التدفئة، سعرها مرتفع الى حد ما وبيبدأ من حوالي ٧٠٠ جنيه تقريبًا. ممكن تزوري أقرب فرع ليكي عشان تتفرجي عليهم زي كايرو فيستيفال أو سيتي ستارز.
موضة ملابس أطفال أولاد في الشتاء
Thermoegypt
View this post on Instagram
ممكن تشتري من خلال صفحتهم الرسمية على انستجرام أو تزوري منافذ البيع الخاصة بيهم وممكن تعرفي معلومات أكتر من خلال صفحتهم الرسمية من هنا.
Junior Tex
من ضمن ترشيحات أمهات راحة بالي للملابس الداخلية القطنية وكمان الثيرمال أو أطقم الدفاية للأطفال، ممكن تعرفي أكتر عن من خلال صفحتهم الرسمية من هنا.
تنسيق الملابس .. تنسيق أطقم مختلفة بعدد قليل من قطع الملابس
Carrot
ممكن تلاقي هنا أطقم دفاية وهاي كول وهاف كول مبطن للأطفال وكمان للبيبي وبأسعار معقولة. اعرفي أكتر عن المنتجات من الصفحة الرسمية من هنا.
الصياد
هتلاقي أنواع وماركات مختلفة للثيرمال أو أطقم الدفاية وأسعار مختلفة، ولو معاكي كارت راحة بالي هتاخدي خصم على مشترياتك، اعرفي تفاصيل أكتر من صفحته الرسمية من هنا.
10 أماكن لشراء ملابس الشتاء بأقل من 200 جنيه
التعليق باستخدام حساب فيس بوك