محتويات المقال
مع إن الإسبوع ده مكانش فيه ترندات وكوميديا، بس كان فيه أخبار مهمة، بردو ما تخليش ترند الإسبوع يفوتك:
وفاة الكاتب نبيل فاروق
دكتور نبيل فاروق
اتوفى امبارح الكاتب نبيل فاروق صاحب سلسلة “رجل المستحيل” وغيرها من الكتب والمقالات اللي ارتبط بيها جيلنا وشكلت جزء كبير من ثقافته، كانت ليلة حزينة زي ليلة وفاة الكاتب أحمد خالد توفيق.
لقاح الكورونا
أخيرًا، لقاح كورونا بدأ يتاخد فعليًا، وكانت أول واحدة تاخده في العالم هي البريطانية “مارجريت كينان”، بالشفاء والعافية يارب
تحرش في مهرجان القاهرة السينمائي
للأسف كل شوية بنسمع عن واقعة تحرش جديدة، بس المرة دي كانت موجهة لمخرج فيلم “عنها” المعروض في مهرجان القاهرة السينمائي، ورغم إن الجريمة لسا مش مؤكدة، إلا إن إدارة المهرجان طلعت بيان، ولغت المؤتمر الصحفي اللي كان هيتعمل بخصوص الفيلم
الثانوية العامة تراكمية
وعيت وأنا صغيرة على إخواتي الكبار وهما في ثانوية عامة، واحد نظام قديم وواحد نظام جديد، مكنتش فاهمه أوي بس كنت حاسه إن في قلق، ولما جه الدور عليا كان النظام اتغير ومناهج كتير اتغيرت وكانت أول مرة تدرس في دفعتي، كبرت وبنتي قربت تدخل ثانوية عامة وبردو لسا نظام الثانوية بيتغير ولسا مش فاهماه بس لسا حاسه بنفس القلق.
علشان تعرفي تفاصيل النظام الجديد شوفي هنا وبالتوفيق لكل الطلاب في كل أنظمة التعليم، ربنا معاكم يا ولاد.
ونشوفك إن شاء الله الإسبوع الجاي مع أخبار سعيدة.
التعليق باستخدام حساب فيس بوك