محتويات المقال
في الوقت ده من كل إسبوع، “راحة بالي” بتجمع ليكي أهم الأخبار والأحداث والترندات اللي حصلت خلال الإسبوع، علشان لو ملحقتيش تتابعيها، تعالي نشوف مع بعض حصل إيه:
جائزة محمد صبحي:
هي جايزة لسا معمولة جديد الحقيقة، فعلشان تعرفي تفاصيلها ممكن تشوفي اللينك ده
ظهور سلالة جديدة من الكورونا:
مطار هيثرو بعد ظهور سلالة جديدة للكورونا
أعلنت بريطانيا إن ظهرت عندها سلالة جديدة من الكورونا، بتنتشر 70% أسرع من الأولى، وده اللي خلى دول كتير تقفل مطاراتها مع بريطانيا، وظهرت حالات في عدد من الدول الأوربية والأفريقية.
خناقة جديدة بسبب الكورونا:
اللي ياخده ياخده
ومادام ظهرت سلالة جديدة، يبقى لازم لها دي خناقة جديدة، هو إحنا هنمشي على القديمة ولا إيه؟ لا طبعا..إحنا كمان كأمهات لازم نطور من نفسنا، واخترعنا خناقات على السوشال ميديا، بتبدأ الأول بسؤال عن هتقعدوا ولادكم من المدارس ولا لا؟ أو طلب دعاء لطفل في العناية المركزة بسبب كورونا، وبس..عينك ما تشوف إلا النور.
أصالة وطارق العريان:
هو الموضوع لسا حاصل، والتعليقات بدأت تسخن، والمحللين النفسيين اشتغلوا فورًا، وناس عالسوشال ميديا عاملين نفسهم كانوا بايتين إمبارح مع أصالة وعارفين كل حاجة، فهتبقى ليلة كبيرة أوي ساعدتك.
حمزة نمرة:
لسا مكمل في تنزيل ألبومه، كل يوم أربعاء بينزل أغنيتين، فامبارح نزل “الوقعة الأخيرة” و “استعيذوا”، قوليلنا أي واحدة فيهم عجبتك أكتر.
التعليق باستخدام حساب فيس بوك