حساب التبويض هو الخطوة الأولى لتنظيم حياتك الجنسية، سواء كان هدفك الحمل أو عدمه، حسابات أيام التبويض هي اللي هتعرفك بالظبط إمتى تكون ممارسة الجنس آمنة بدون حمل وإمتى هتؤدي لحمل بالتأكيد، وعموما جدول أيام التبويض عند المرأة أو بمعنى أصح حاسبة التبويض، هو البديل الآمن والحقيقي لموانع الحمل بالنسبة للسيدات اللي مش بيفضلوا استخدام وسائل منع حمل أيا كان شكلها أو طريقتها.
اقرأي أيضا: أفضل أوقات العلاقة الحميمة لحدوث حمل
آخر تاريخ الدورة الشهرية ليكي كان إمتى
حساب أيام التبويض بيعتمد كليا على معاد أول يوم دورة شهرية وآخر يوم منها، وبتستمر عادة كام يوم، يعني دورية نزول دم الحيض قد إيه، كل جسم حسب طبيعته وأداءه.
اقرأي أيضا:أعراض وعلامات التبويض الأكيدة عند المرأة
ملاحظات على جدول أيام التبويض
الجدول بيديكي غالبا نتايج تقريبية، وبيعتمد بشكل أساسي على إن دورتك الشهرية منتظمة، لذلك هتحتاجي تلاحظيها كويس لتلات شهور على الأقل عشان تقدري تحددي بدقة يوم التبويض المظبوط بالاعتماد على جدول التبويض.
اقرأي أيضا: أسباب غزارة الدورة الشهرية بعد الولادة القيصرية
علامات التبويض
- ارتفاع بسيط في درجة حرارة الجسم، عادة بين نص درجة لدرجة واحدة صباحاً.
- ارتفاع هرمون الـ lhعن طريق تحليل البول.
- الإفرازات المهبلية هتلاقيها صافية أكتر وسايلة و مطاطية.
- هتحسي بألم لما تلمس الثديين.
- هتلاحظي دم مهبلي بسيط بلون وردي.
- ألم في البطن من تحت في جنب من الجنبين.
اقرأي أيضا: أسباب تأخر الدورة الشهرية غير الحمل
تحسبي أيام التبويض إزاي؟
- الدورة الشهرية بتتحسب من أول يوم دورة، لحد أول يوم في الدورة الشهرية اللي بعدها، في المتوسط، دورة الست بتتراوح بين 28لـ32 يوم، ولكن بعض السيدات ممكن يكون عندهم أقصر أو أطول من كده كمان، أما التبويض فبيحصل في أي وقت بين اليوم الـ 11 لليوم الـ 21 من أول يوم في الدورة الشهرية.
- ممكن تحسبي أيام التبويض بطريقتين، إما إنك تعتبريها مستمرة من اليوم الـ 11 لليوم الـ 21 زي ما قولنا من أول يوم الدورة، أو ممكن تطرحي 12لـ 16 يوما من الدورة الشهرية الجاية، تعتبريهم فترة أمان، واللي قبلهم هم فترة التبويض أو بمعنى أصح وقت الخطر للناس اللي مش عاوزة حمل، أو وقت الحظ والسعادة للناس اللي بتخطط للحمل.
- عشان تفهمي الموضوع أكتر، المسألة ببساطة إن التبويض بينقسم لمرحلتين، المرحلة الأول من دورة الإباضة بتبدأ بعد انتهاء الدورة الشهرية، لما الجسم بينتج البويضة، أما المرحلة التانية بتبدأ من يوم التبويض ولحد لما صلاحية البويضة تنتهي، فإنا يتم تلقيحها ويحصل حمل أو ما يحصلش وتبدأ تتحلل وتنزل في صورة دم الدورة الشهرية.
لو حاسة أن الموضوع ملخبطك فممكن بكل سهولة تستخدمي أداة حاسبة موعد التبويض عن طريق إدخال تاريخ أخر معاد دورة شهرية ليكي
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك