الأم ممكن تكون بتتخيل إن جمع عينة بول من الطفل الرضيع حاجة مستحيلة، بس أحيانًا ممكن الظروف الصحية تضطر الأم إنها تعمل كده، وعشان نساعد الأمهات رتبنا الخطوات الصحيحة لجمع عينة البول من الطفل اللي بيلبس الحفاض، عشان ندعم كل أم في مهمة ممكن تكون صعبة مع دعائنا لكل الأطفال بالصحة والعافية:
كيفية التعامل مع ارتفاع حرارة جسم الطفل
الطريقة الأولى:
- عن طريق استخدام كيس جمع البول وهو بيتباع في الصيدليات الكبيرة.
- استخدمي الصابون أو المناديل المخصصة للأطفال لغسل المنطقة المحيطة بمجرى البول.
- بيتم التنضيف من الأمام للخلف بالنسبة للبنات ومن مقدمة العضو الذكري لتحت بالنسبة للأولاد.
- افتحي كيس جمع البول وحطيه على طفلك بالطريقة دي:
بالنسبة للأولاد : ضعي القضيب جوه الكيس وثبتي الكيس على الجلد بواسطة اللاصقة الموجودة فيه.
بالنسبة للبنات: ثبتي الكيس على الثنايا الجلدية الموجودة على جانبي المهبل.
- لبسي الحفاض لطفلك (فوق كيس جمع البول).
- افحصي طفلك من وقت للتاني وشيلي كيس إزالة البول بعد انتهاء الطفل من ملء العينة مع ملاحظة إن الأطفال اللي عندهم حركة أكتر ممكن يحركوا الكيس من مكانه، وفي الحالة دي لازم تكرري العملية عشان تجمعي العينة بشكل صحيح.
- فرغي محتويات كيس البول في الكوب المخصص لده عند المعمل، وراعي إنك ما تلمسيش الكوب أو الغطا من جوه.
- حطي اسم الطفل وتاريخ الميلاد على الكوب وسلمي العينة للمعمل في خلال ساعة واحدة بس.
الإمساك مع الرضاعة الطبيعية المطلقة (الحصرية)
الطريقة الثانية: جمع العينة عن طريق الكوب المعقم:
وهي الطريقة الذهبية للحصول على عينة آمنة، سريعة، وفعالة.
الطريقة دي بتحتاج شخصين على الأقل لتنفيذها، وبيفضل وجود شخص تالت لجمع العينة من الطفل وبتتم بالشكل الآتي:
- رضعي طفلك.
- بعد مرور 25 دقيقة من الرضاعة، نضفي الأعضاء التناسلية للطفل بالميه الدافيه والصابون وتتنشف بالقطن المعقم.
- جهزي الكوب المعقم لجمع العينة.
- الشخص الأول هيشيل الطفل من تحت الإبط ورجليه هتكون متعلقه في الهوا.
- الشخص التاني هيحاول يحفز المثانة بإنه يضغط عليها بالراحة.
- بيتم عمل تدليك من الجانبين للفقرات الأخيرة للعمود الفقري بحركات دائرية لمدة 30 ثانية.
- الخطوة 5 و6 بتتكرر لغاية ما يتم خروج البول.
- بمجرد خروج البول اسمحي إن في نقط صغيرة تطلع بره وبعدين اجمعي العينة داخل الكوب.
المصادر:
What’s your Reaction?
التعليق باستخدام حساب فيس بوك