بعد عرض مسلسل خلي بالك من زيزي، أغلب الناس انتبهت أكتر لمرض الـ ADHD أو اضراب تشتت الانتباه وفرط الحركة، واللي كان فيه أطفال كتير بيعانوا منه من غير ما حد يحس بيهم، وكان بيتقال عنهم إنهم مش مؤدبين أو مش منظمين ومتمردين، والمشكلة الأكبر بتكون في المدارس، لإن مش كل المدرسين مؤهلين للتعامل مع الحالات دي. واتفاجئنا إن “جنا عمرو دياب” والمقيمة في بريطانيا، كاتبة بوست على السوشال ميديا، بتقول فيه إنها اتشخصت ADHD وبتقول للمدرسة اللي كانت فيها، واللي اتعرضت فيها لمعاملة غير لائقة من مدرسينها، بسبب صعوبات التعلم اللي كانت بتواجهها بسبب تشتت الانتباه وفرط الحركة، إنها دلوقتي بقت ناجحة، وأخدت دبلومة في الغناء من جامعة BIMM، وبتدرس أدب انجليزي، وبتحاول الحصول على شهادة في علم الاجتماع من جامعات عريقة في بريطانيا.
وبتقول إنها كانت بتتمنى إن مدرستها تدعمها وتعاملها برفق علشان حالتها، وبتنصح كل الطلاب اللي بيعانوا من أمراض نفسية أو اضطرابات، إنهم يؤمنوا بنفسهم رغم كل اللي بيعانوا منه:
View this post on Instagram
وكانت ردود الفعل على البوست بتاعها، من مشاهير كتار، إنهم فخورين بيها، وبيدعموها ومعجبين بموقفها.
والجقيقة بعد ما أنا قرأت بوsت جنا، جالي فضول أدخل موقع المدرسة، ولقيت في أبلكيسن التقديم، خانات للأهل علشان يكتبوا إذا الطفل اللي بيقدم في المدرسة، بيعاني من أي مشاكل نفسية أو صعوبات تعلم، ومطلوب إرفاق أي مستندات تخص المرض:
وده معناه إنهم على الأقل عندهم استعداد يقبلوا الحالات دي بين الطلبة، علشان كده راسلت المدرسة أسألهم ليه موقفهم الغريب ده (على حسب كلام جنا) وفي انتظار ردهم.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك