جيرب العروسة .. أفكار لعمل بوكيه ورد زفافك بنفسك

كل عروسة بتكون في خيالها صورة معينة عن طلتها يوم زفافها، والطلة دي بتتكون من حاجات كتير قوي، فستان وميك اب وطرحة واكسسوار شعر وجيرب وغيرهم. وبعض مشاتل الورد بتعمل جيرب العروسة بشكل تقليدي، أو بشكل جميل جدًا لكن مش زي اللي في خيالك، لكن انتي تقدري تعملي بوكيه ورد زفافك بنفسك، وتختاري تصميمه وخاماته وألوانه باللي يناسبك، وده اللي هنساعدك فيه في المقال ده.

طريقة عمل جيرب العروسة بنفسك

جهزي الخامات اللي هتعمليه منها الجيرب: الورد، واللفة اللي هتلفي بيها البوكيه سواء كانت من الساتان أو أي خامة تانية انتي تحبيها.
هتحتاجي أدوات زي: مقص قوي، صمغ أو لزق قوي للخامات اللي زي اللولي والكريستال.
نسقّي الألوان مع بعض ومع فستانك وطلتك.
مساحة عمل مناسبة.
طريقة تنسيق الورد متشابهة جدًا في البوكيهات، بترصيهم جنب بعض كويس جدًا، بالترتيب اللي يعجبك في الألوان، وبعدين تربطيهم برباط قوي، وتغطي الرباط ده بحاجة تختاريه منها عندك، زي الساتان أو الأورجانز أو الخيش، والخطوة الأخيرة تساوي فروع الورد كلها من تحت.

صور فساتين زفاف بكم طويل لعروس شتاء 2022

نصايح وانتي بتعملي جيرب العروسة

اعمليه قبل الزفاف بوقت مناسب، علشان تشتغلي وانتي مرتاحة، ولو الورد طبيعي اعملي بروفة مرة على جيرب تاني، وقبل الفرح على طول اعملي الجيرب النهائي.
اطلبي المساعدة لو احتاجتي.
احرصي دايمًا إن الجيرب يطلع أنيق وناعم في مظهره.
ابعدي عن الخامات الرخيصة لإنها هتتعبك في الشغل، وهتقلل من مظهر طلتك.

عروسة مميزة: بدلي طرحة الزفاف بقبعات كلاسيكية