لازم تعرفي إن فكرة التخطيط للحمل له دور قوي في المساعدة على حصول حمل صحي، والموضوع مش إجتهاد شخصي، يعني لازم تعرفي إن الخطوة دي بتتم تحت إشراف طبيب خصوصا لو عمر السيدة أقل من عشرين سنة أو اكبر من تلاتين سنة، أو حتى عندها أي نوع من أنواع الأمراض المزمنة.
معلومات قبل ما تحملي
في كدة مجموع معلومات من المهم جدا رصدها قبل إتخاذ خطوة الحمل، يعني لازم تفهمي إن فترة ما قب الحمل دي فترة مهمة وليها خطواتها اللي لازم تحرصي على إتباعها علشان توصلي لهدفك، والمعلومات دي إنتي بتتبادلها مع طبيبك، واللي أهمها:
- نوع وسيلة منع الحمل المستخدمة
قبل ما تحملي مهم جدا تعرفي طبيبك إيه هي الوسيلة بتاعتك، لأن كل نوع له فترة من بعد التوقف عن استخدمها علشان جسمك يستعيد طبيعته ويكون مستعد للحمل، وكمان علشان يكون فيه تحديد لمعاد التبويض خصوصا بعد مرور شهر من التوقف عن استخدام وسيلة منع الحمل.
- الازم كل تطعيماتك تتاخد:
التطعيمات دي بتشمل الجديري المائي، والحصبة الألمانية،لأن الأتنين دول ليهم خطورة غير عادية على الجنين لو الأم اصيبت بيهم خلال الحمل.
- تشخيص الأمراض المزمنة والمكملات الغذائية:
لو كانت السيدة اللي بتخطط للحمل بتعاني من السمنة أو أي حالة مرضية مزمنةزي داء السكري، الربو، ارتفاع ضغط الدم، خلل في الغدة الدرقية أو الصرع، فلازم يحصل تضبيط للحالة المرضية اللي موجودة قبل الحمل.
بجانب طبعا لازم تتكلمي مع طبيبك عن كل أنواع الأدوية والمكملات الغذائية اللي بتاخديها، كلها بمعنى كلها، علشان لو بتخطتي لحمل هتلاقي إن فيه تغيير في الجرعات، وفيه توقف عن تناول أنواع تانية.
- تاريخ العائلة الطبي:
قبل ما تحملي لو فيه أمراض وراثية موجودة في عيلتك أو عيلة جوزك لازم الموضوع ده يتعرف قبل الحمل، وده علشان طبيبك يحولك لاستشاري في الأمراض الوراثية علشان يعملك تقييم عام قبل الحمل.
- سنك إنتي وجوزك:
كل ما كان سن السيدة كبير كل ما كان فيه خطورة ومشكلات في الخصوبةواحتمالية لخسارة الحملوأوقات ظهور امراض وراثية زي متلازمة الداون، بجانب ظهور مضعفات حمل زي سكر الحمل، وده برضه نفس الموضوع مع الأب.
- تاريخ الحمل السابق:
لازم تعرفي الدكتور بتاعك عدد مرات الحمل وطريقة الولادة وأي مضاعفات ممكن تكوني اتعرضتي لها خلال أي حمل أو الولادة أو بعد الولادة ولو فيه ولادة لمواليد بتشوهات خلقية.
أهم النصائح عند بدء محاولة الحمل
فيه شوية نصائح بسيطة وأساسية جدا لما تبتدي في محاولة الحمل، وأهمهم هما:
- تناول حمض الفوليك:
لازم تاخدي 400 ميكروغرام (400 مكغ) من حمض الفوليك على شكل مكملات غذائية كل يوم خلال المحاولة في الحمل لحد الأسبوع الـ 12 من الحمل، وده بهدف التقليل من مخاطر إصابة الجنين بعيوب خلقية. أما بخصوص السيدات اللي عندهم أمراض زي الصرع والسكري أوولادة طفل بعيوب خلقية فيتم نصحهم بتناول حمض الفوليك بجرعة 5 ميليغرام (5 ملغ).
- المحافظة على وزن صحي:
الوزن الزائد بيزيد من بعض ومشاكل الحمل زي ارتفاع ضغط الدم، جلطات الدم، وسكري الحمل، وتقدري تحافظي على وزن صحي من خلال اتباع نظام غذائي متوازن وممارسة رياضة تتناسب مع الحمل.
- الإمتناع والتوقف عن التدخين:
التدخين بيرتبط بمشاكل صحية في الحمل زي الولادة المبكرة، انخفاض وزن المولود، ومتلازمة موت الرضع المفاجئ.
- التوقف عن شرب الخمور:
في حالة إن أسلوب حياتك بيتضمن تناول الخمر لازم تعرفي إنك في فترة التجهيز للحمل والحمل لازم توقفيها لأنها ممكن توصل للجنين عن طريق الدم وممكن تأثر بالسلب على نمو الطفل .
تقدري تقولي إن دي هي أهم الحاجات اللي محتاجة تعرفيها قبلما تحملي، نتمنى إنها تساعدك وتكون دعم ليكي في تحقيق حلمك.
What’s your Reaction?
التعليق باستخدام حساب فيس بوك