أكتر حاجة بتخوف أي أم حامل هي إدخال الطفل الحضانة لأي سبب، عادة بعد أي ولادة جوه مستشفى الطفل بينزل الحضانة فترة تحت الملاحظة عشان يتأكدوا إن الطفل سليم، في أطفال بترجع لامهاتها وفي أطفال الطبيب بيخليهم جوه الحضانة لانهم محتاجين لعناية على مدار الساعة من فريق خبراء. مدة بقاء الطفل في الحضانة بيعتمد على حالة الطفل الصحية، أحيانا ممكن تكون شوية ساعات وأحيانا بتكون أيام وأحيانا أكتر من شهر.
أنواع حضانات الأطفال
- حضانة رعاية خاصة
- حضانة العناية المركزة
- حضانة العناية المركزة لحديثي الولادة
مين يقدر يزور الطفل في الحضانة ؟
أفراد عائلة الطفل المحجوز ممكن يشوفوه من ورا الإزاز، وممكن للأب والأم إنهم يقضوا وقت جمب البيبي، ساعات محددة، ولو في أطفال بتزور الحضانة مفروض تكون صحتعم كويسة جدا، معندهمش امراض معدية، وواخدين كل التطعيمات، وعموما الطبيب هو اللي بيحكم في النهاية مين يقدر يدخل ومين لأ.
الشخص اللي هايسمح له الطبيب بالدخول هايحتاج يلبس جوانتي وماسك وكمان التعقيم قبل الدخول
إيه الفكرة من حضانة الأطفال؟
معدات كتير جدا جوه الغرفة اللي غالبا بتتراويح بين اللونين البمبي واللبني، عموما الاجهزة دي كل واحد منهم بيكون ليه دور زي:
- تدفئة الرضيع: الجهاز هنا بيكون عبارة عن سرير صغيرة فيه مدفئة عشان الطفل يفضل متدفي أثناؤ المراقبة وبيكون السرير مفتوح فالتعامل مع الطفل بيكون أسهل.
- الحضانات: سراير صغيرة محاطرة بلاستيك شفاف صعلب، بيتم التحكم في دردة حرارة الحضانة والعناية بتكون من خلال ثقوب معينة.
- شاشات إلكترونية: ودي من خلالها بتقيش الممرضات والأطباء العلامات الحيوية للأطفال
- وصلات صدر: بيكون فيها رؤوس لاصقة غير مؤلمة بتتلزق على صدر الطفل عشان يتم متابعة ضربات قلبه ونفسه
- جهاز أكسجين: بيقيس مستويات الأكسجين في دم الطفل ، وده جهاز غير مؤلم بيتم ربطه على صباع الالطفل أو رجله ببلاستر صغير.
- مقياس درجة حرارة
- جهاز قياس ضغط الدم.
- أنابيب تغذية لرضاعة الاطفال المبتسرين
- أجهزة تنفس صناعي بيتم توصيل الطفل بجهاز التنفس الصناعي من خلال أنبوب رفيع يوضع في القصبة الهوائية من خلال الفم أو الانف، متصل بجهاز التنفس الصناعي.
- ماسك أكسجين: للأطفال اللي مش محتاجين جهاز تنفس صناعي لكن محتاجين في نفس الوقت أكسجين إضافي.
هل الأم تقدر تشيل البيبي؟
حسب رأي الطبيب، وحسب الحالة الصحية للطفل، وبالنسبة لبعض الأطفال المبتسرين اللمس بيكون شيء مرهق بالنسبة ليهم.
أسباب بتستلزم إدخال الطفل الحضانة
- ولادة الطفل قبل معاده قبل الشهر التاسع (أقل من 37 أسبوع)
- لو وزن الطفل اقل من 2 كيلو
- عدم اكتمال الرئة عند الطفل
- أمراض القلب زي وجود ثقب
- وجود عدوى في الدم
- ارتفاع نسبة الصفراء اكتر من النسبة الطبيعية
- نقص الأكسجين عند الولادة
- معاناة الأم من امراض معينة زي السكر والضغط أو تسمم الحمل
- زيادة وزن الطفل عن 4 كيلو ونص
- معاناة الطفل من صعوبة التنفس
- لو الطفل عنده مشكلة في الرئة أو في التنفس عموما
اقري كمان: مراحل تطور الطفل الرضيع الشهر الثالث
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك