محتويات المقال
ستات كتير بعد الولادة بتواجه صعوبة في إنها ترججع لشكل بطنها قبل الحمل والولادة، دكاترة النسا دايمًا بتنصح بتمارين البطن بعد فترة معينة والأكل الصحي ومعاهم لبس حزام البطن.. وفي الموضوع ده هنعرفك أكتر على لبس حزام البطن بعد الولادة وأسعاره في مصر.
إيه هو حزام البطن؟
ما هو حزام البطن
مشد البطن هو عبارة عن حزام شبيه بالكورسيه بيساعد على شد البطن بإحكام بعد الولادة لتقليل الترهلات سواء بعد الولادة الطبيعية أو الولادة القيصرية وبعد إستشارة طبيب النسا ممكن تستخدميه بعد الولادة بأسبوع أو بعد مدة أطول حسب تعليمات الدكتور وحسب نوع الجرح وفترة إلتئامه.
ممكن هنا تشوفي أفضل وقت لعمل تمارين البطن بعد الولادة القيصرية
مميزات حزام البطن
- دعم عضلات البطن والجزء السفلي من الظهر بعد الولادة ومساعدة العضلات في الرجوع لطبيعتها بشكل أسرع.
- التقليل من ترهلات البطن بعد الولادة.
- تقليل ألم الولادة والتعافي بشكل أسرع.
- مساعدتك في الجلوس بشكل مستقيم وقت الرضاعة الطبيعية.
عيوب حزام البطن
- عدم الراحة أو ضيق النفس لو لبستيه فترات طويلة.
- مش حل سحري ولا سريع لاخفاء ترهلات البطن لكن ممكن يتم إعتباره عامل من العوامل المساعدة في التقليل من ترهلات البطن.
- بيظهر تحت الملابس وممكن يسبب كلكعة وعدم إرتياح عند الخروج بيه.
- المادة المصنعة منه ممكن تسبب حساسية جلدية أو حكة وخصوصًا وقت الصيف والحر.
هنا ممكن تعرفي PCA جهاز صغير بيخفف آلام الولادة .. اعرفي أكتر عنه
أنواع حزام البطن وأسعاره
أنواع حزام البطن وأسعاره
حزام البطن الطبي هتلاقيه في كل الصيدليات الكبرى ومحلات المستلزمات الطبية وليه أنواع وماركات كتير وأنواعه بتختلف على حسب الخامة وإذا كان ليه مكان يوسع أو يضيق أو لو مقاسه ثابت وبيتراوح سعره من 90 ل 300 جنيه تقريبًا على حسب كل موزع أو حسب العروض وليه مقاسات كمان فيفضل إنك تجربي مقاسك قبل ما تشتريه.
بنحب نفكرك إن حزام البطن ممكن ميكونش مناسب ليكي للبسه بعد الولادة على طول ويفضل إنك تستشيري طبيب النسا قبل ما تلبسيه وطبعًا بنفكرك إنك مينفعش تنامي بيه وبنتمنى ليكم دوام الصحة والسلامة.
التعليق باستخدام حساب فيس بوك