محتويات المقال
تساقط الشعر مشكلة مزعجة للستات والرجالة، يمكن في الستات بتكون أصعب بحكم اهتمامنا بشعرنا وبحكم إن الراجل ممكن يحلق شعره كله وخلاص. لكن ظهر في السنين الأخيرة حل يقال إنه أكتر فعالية من الزيوت والكريمات اللي ممكن نستخدمها عشان المساعدة في التقليل من تساقط الشعر. الحل ده هو حقن البلازما للشعر. في المقال ده، هنعرفك على كل تفاصيل حقن البلازما للشعر.
إيه هي حقن البلازما للشعر؟
البلازما أو الصفائح الدموية موجودة مع كرات الدم الحمراء والبيضاء في الدم .. مهمتها التعافي، أو المساعدة عليه. بمجرد التعرض لأي خربشة أو خدش أو جرح، الصفائح الدموية بتجري عليه عشان تعالجه. وعشان كده، الباحثين فكروا إن ممكن استخدام البلازما دي لعلاج حاجات كتير. وبيستخلصوها بإنهم بياخدوا جرعة دم، وبيدخلوا الدم في جهاز تصفية مخصوص عشان يستخلص الصفائح الدموية الغنية بالبلازما PRP وهنا يقدر يحقنها في أي عضو متضرر أو في حاجة للعلاج. وفي حالتنا دي، بيتحقن في فروة الرأس عشان تعيد إنتاج الشعر تاني.
فيروس كورونا يسبب تساقط شعر السيدات .. اعرفي الأسباب
مدى فعالية حقن البلازما للشعر
في ٢٠١٩ فيه دراسة اتعملت على ٢٦٢ شخص مصابين بالتعلبة، المرض اللي بيتسبب في سقوط الشعر، ولاقت إن حقن البلازما للشعر قللت تساقط الشعر وزودت سمك الشعرة وزودت نمو الشعر. كمان الدراسة لاقت إن الحقن رجعت الشعر في المناطق اللي فقدت الشعر تمامًا.
اعرفي من هنا 10 أسباب لتساقط الشعر بغزارة بشكل مستمر
طريقة حقن الصفايح الغنية بالبلازما
- سحب الدم من عرق في الذراع.
- وضع الدم في ماكينة طرد (سنتريفوج centrifuge).
- الماكينة بتفرق بين مكونات الدم.
- بيتم سحب الصفائح الدموية بسرنجة.
- بيتم حقن الصفائح دي في النقط المستهدفة في فروة الراس.
كل الخطوات دي بتاخد حوالي ساعة وغالبًا الشخص الواحد بيحتاج أكتر من جلسة حقن.
مدى فعالية حقن الصفائح الدموية
الدكاترة بيقترحوا إن الحقن دي تكون على أساس حالة كل شخص وعلى حسب كمان نتيجة أول مرة. لاستدامة العلاج، بيقترحوا إن بمجرد ما تتم السيطرة على تساقط الشعر، يكون الحقن كل 3-6 شهور.
الآثار الجانبية
- الألم في مكان الحقن
- تورم الجلد
- صداع
- حكة
- نزف مؤقت من مكان الحقن.
التعليق باستخدام حساب فيس بوك