محتويات المقال
على الإنترنت هتلاقي فيديوهات كتير بعنوان تجربتي مع حقن الدهون في الوجه، أو حقن دهون ذاتية، وعموما تجارب حقن الدهون الذاتية من التجارب اللي تستحق لأنها زي المثل الشعبي ما بيقول “من دقنه وإفتل له” يعني مفيش أي حاجة دخيلة هتدخل الجسم، وعموما أكتر أسئلة بتجيلنا عن مسألة حقن الدهون هي “متى تظهر نتائج حقن الدهون في الوجه، هل فعلا تعتبر عملية حقن الدهون الذاتية من أكثر العمليات التجميلية الناجحة في الوقت الحالي؟” خلينا نفهم الموضوع بشكل أفضل.
يعني إيه حقن دهون ذاتية؟
ببساطة شديدة هي عبارة عن دهون بيتم استخلاصها من جسم الإنسان وإعادة حقنها في مناطق تانية، والعملية دي في الأصل كانت بتتك لأغراض علاجية زي إصلاح العيوب والتشوهات في الوش بعد الحوادث، لكن دلوقتي بيتم استخدامها لأغراض تجميلية بشكل واسع وده لسهولتها وندرة الآثار الجانبية اللي بتنتج عنها بعد الحقن.
هل هي آمنة فعلا؟
في دراسة علمية تناولت النقطة دي تحديدا، والنتيجة اللي وصلت لها إن حقن الدهون الذاتية اللي مش بتتوغل في منطقة الراس والرقبة بديل صالح للاجراءات الجراحية التانية سواء كان الغرض تجميلي أو وظيفي، زي مشاكل الأنف والأذن والحنجرة وحشو الأنسجة الرخوة، بل إن ليها تأثير تجديدي محتمل للخلايا الجذعية .اقري كمان: حقن البلازما للشعر لملء الفراغات .. لها نتائج مضمونة ولا لأ؟
مراحل حقن الدهون الذاتية في الجسم
- أول مرحلة بيتكون عبارة عن استخلاص وشفط للدهون من مناطق تراكم الدهون سواء في البطن أو الجناب أو الأرداف أو الفخدين أو الذراعين أو أي منطقة تانية حسب مشكلة المريض ورأي الدكتور اللي هيعمل عملية الشفط والحقن.
- تاني خطوة بيتم تعقيم المنطقة بكحول وبيتم تخديرها بمخدر موضعي في وقت قصير على أقصى تقدير 30 دقيقة.
- تالت خدوة بيدخل أنبوب رفيع جدا للجسم من خلال فتحات نص سم تقريبا
- تالت خطوة بيتم معالجة الدهون وتصفيتها وترسيبها وبيضاف إلها بعض المواد اللي بتزيد من حيوية الدهون زي البلازما الغنية بالصفائح الدموية، بعدين بيتم حقنها في المكان اللي عاوزين نحقن فيه بسرنجة مخصوصة.
- بعد العملية ممكن يتم تخزين أو تجميد الدهون لحد تلات شهور من وقت الشفط.
طريقة الحقن:
عادة بيتم حقن كميات أكبر من المطلوب لأن الدراسات أثبتت إن 50 % من الكمية اللي بيتم حقنها الجسم بيمتصها وبتدوب جواه، واللي بيفضل الـ 50% الباقيين.اقري كمان: تجربة حقن البلازاما للهالات السودا… هل فعالة ولا لأ؟
تحضيرات ما قبل حقن الدهون الذاتية:
صحيح هي سهلة لكنها في النهاية عملية، لذلك الدكتور بيحتاج شوية تحاليل طبية عشان يتأكد إن المريضة مش بتعاني من أي مشاكل صحية، زي ضغط مرتفع أو سكر أو أمراض قلب أو سيولة في الدم أوغيرها.
الحقن بيتم فين؟
المناطق التي تتم فيها حقن الدهون الذاتية:
- الوجه: زي الخدود وتحت العينين والخطوط الدقيقة والعميقة بالوجه والندبات.
- الصدر.
- الخصر والمؤخرة.
- الترهلات في مناطق معينة في الجسم.
الحقن دايم ولا زي الفيلر؟
المفروض إنه دايم بس بشرط واحد هو المحافظة على نمط الحياة الصحي والأكل الغني بالخضار والفاكهة والتمارين الرياضية أما لو تمت مخالفة التعليمات فالنتيجة بتستمر 3لـ 4 سنين وبس، المسألة بالكامل خاضعة لشطارة الدكتور والتزام المريض.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك