محتويات المقال
في الباب ده، يتواصل خبراء راحة بالي معاكم للتعليق على اعترافاتكم ومشاكلكم والأسبوع ده خبيرة التربية الإيجابية وعلم النفس الإيجابي رنا هاني هتعلق على المشكلة.
●● كل الرسائل تخضع للسرية والخصوصية التامة، وبدون ذكر أي معلومات شخصية.
اكتبي مشكلتك هنا
المشكلة:
الرد:
أنا عايزة أقول لك في الأول كده إني مش عايزاكي تقلقي وتحسّي إن ولادك هيكبروا مش بيحبوا بعض، أو إن خناقاتهم ده دليل على إن علاقتهم هتبقى مش كويسة في المستقبل. خناقات الإخوات هي وسيلة للتعايش بين الأطفال وهي وسيلة طبيعية ومشروعة وبالعكس هي ليها مميزاتها كمان لإن الأطفال بيتعلمو بيها مهارات لحياتهم كتير زي التفاوض وحل المشاكل والتنازل في بعض الأوقات.
بس ده مايمنعش برضه إننا نحاول نساعدهم يقللوا الخناق بينهم من ناحية يستمتعوا بوجودهم في حياة بعض ومن ناحية تانية إن خناقات الأخوات فعلًا بتضغط على الأب والأم أوقات كتير وبتوترنا.
نصايح تقليل خناق الأخوات
هاقول لك دلوقتي كام نصيحة تقلل الخناقات بينهم شوية وتساعدهم يختلفوا باحترام:
- أول حاجة هي إنك علي قد ما تقدري ما تدخليش بينهم وتستعجلي وتحاولي كل مشاكلهم أو حتي تعاقبيهم هم الاتنين عشان متخيلة إنهم كده هيبطلوا.
- ما تقارنيش بينهم أبدًا عشان ما تزوديش الغيرة بينهم ورغبتهم في لفت انتباهك عن طريق الخناق.
- لما بيتخانقوا، اعملي لهم إقرار لمشاعر الغضب اللي حاسينها وساعديهم يعبروا لبعض بطريقة أحسن لما يهدوا، قبل حل المشكلة أصلًا.
- حطوا قواعد واضحة في البيت لعواقب الضرب، واتكلمي معاهم كتير عن الطريقة الصح للتعبير عن غضبهم ودوّروا سوا على بدايل للضرب.
- اقضي مع كل واحدة من بناتك وقت خاص لوحدها تبقي انتي وهي بس من غير أختها، ومن غير شاشات، تعملوا فيه أي حاجة بتحبوها.
- حاولي تشركيهم في أنشطة مناسبة ليهم هم الاتنين يتعاونوا فيها ويشتغلوا كفريق من غير ضغط ومن غير ما تفرضي واحدة فيهم علي التانية.
آخر حاجة لازم تعرفيها عشان تقدري تتعاملي صح مع خلافات بناتك هي إنك ما تاخديش خناقات ولادك بشكل شخصي أو تحسي بالذنب إن أكيد فيه غلط عندك خلاهم يتخانقوا كتير.
التعليق باستخدام حساب فيس بوك