حلمة الثدي المقلوبة من أكتر مشاكل الرضاعة الطبيعية واللي بتكون سبب في إن أمهات كتير تلجأ للبن الصناعي كبديل، غير الحالة النفسية السيئة للأم اللي بيكون عندها ظن إنها عمرها ما هتقدر ترضع طفلها طبيعي أبدًا. وبتفضل مجموعة من الأسئلة تراودها، يا ترى الموضوع محتاج طبيب؟ طيب فيه أمل إنها ترضع الطفل بشكل طبيعي؟ وهل ممكن تتحمل بدون تدخل طبي؟ كل الإجابات دي وأكتر جمعتها في المقال ده.
هنا نصائح للتخلص من آلام الثدي أثناء الرضاعة الطبيعية
يعني إيه حلمة ثدي مقلوبة؟
حلمة الصدر المقلوبة هي اللي بتكون فيها الحلمة موضوعة بشكل مسطح ومتجهة للداخل بدل ما تكون بارزة للخارج، يعني بمعنى أصح الهالة البني اللي في الصدر بتكون أعلى من حلمة الصدر نفسها، من بين الأسامي اللي بتكتسبها الحلمات المقلوبة هو “الحلمات المنكمشة”.
أسباب الحلمة المقلوبة
من 2 لـ 10 % من الستات عندهم حلمة مقلوبة، مفيش سبب محدد للحلمات المقلوبة، بعض الناس بتتولد بيها بشكل طبيعي وبعض الناس بيكونوا مولودين طبيعيين، لكن مع الوقت بتنكمش الحلمة، والحقيقة إنها بتحصل للذكور والإناث على حد سواء، وأحيانًا بتحصل في حلمة أه وحلمة لأ، لكن في العموم هي مش ظاهرة تدعو للقلق على الإطلاق، وعادة بيوصي الأطباء إنه ما يتمش التعامل معاها أصلًا، إلا لو كان السبب وراها ضار زي ورم خبيث أو التهاب في الثدي. وقتها بيكون العلاج ضروري.
هل ممكن تمنع الرضاعة الطبيعية؟
الإجابة السعيدة إنه لأ، مش بتأثر على الرضاعة الطبيعية وكمان مش هتخليها صعبة لو تم اتخاذ الخطوات المظبوطة للتعامل معاها، اقري كمان هل حجم الثدي بيأثر على الرضاعة الطبيعية؟
طريقة علاج حلمة الثدي المقلوبة
في طرق كتير لعلاج الحلمة المقلوبة، سواء كان الغرض جمالي أو عملي للرضاعة:
- تقنية هوفمان: عبارة عن تمرين منزلي يدوي لسحب الحلمة، طريقتها ببساطة إنك تضغطي بالإبهام على الجنبين للحلمة، النتيجة بتختلف من شخص للتاني.
- أجهزة شفط الحليب: بتمثل طريقة غير جراحية لسحب الحلمة للخارج، وبأدوات بسيطة في البيت منها على سبيل المثال
- شفاط الثدي اليدوي: زي من ميديلا هو الوحيد اللي بيتميز بتكنولوجيا الشفط ثنائية المراحل من مميزاته إنه بسيط جدا في التركيب وسهل في الاستخدام و التنظيف. بيساعد على تحسين الحلمة الغائرة أو المسطحة، ده غير إنه BPA free
- السرنجة العادية: نشيل منها السن وبآداه حادة نقطع الجزء العلوي بحيث يكون مدور ونبدأ ندخل جواه الحلمة ونشد من الناحية التانية الجزء المتحرك من الحلمة ومع الوقت بتجيب نتيجة.
- الحل الجراحي: وده مش كتير بيميلوا له إلا لو كان الشكل مش مريح نفسيا.
- الثقب: أحيانا ثقب الحلمة وتركيب بريسينج بيكون أحد الوسائل اللي بتخلي الحلمة تتظبط.
- استخدام حلمات تجميع اللبن من ميديلا: Nipple former للحلمات الغائرة: من أكبر المشاكل اللي بتواجه أمهات كتير وممكن تعوقهم عن الرضاعة الطبيعية من أساسها هي الحلمات الغائرة أو المسطحة، وهنا بيكون خيار الشفط مثالي ولو مش متاح تشتري شفاط فأضعف الإيمان حلمات النيبل فورمر هتساعدك بشكل كبير في إنك تحلي المشكلة وترضعي طفلك بصورة مريحة وطبيعية.
اعرفي من هنا علامات بتقولك لازم تتخلصي من ببرونة طفلك القديمة.
المصدر:
medicalnewstoday
التعليق باستخدام حساب فيس بوك