مصدر الصورة: Daily Hampshire Gazette
أعلنت ولاية نيويورك في الولايات المتحدة الأمريكية عن قانون جديد بيلزم بوضع ترابيزة تغيير الحفاضة للأطفال “Diaper Changing Table” في كل الحمامات العامة الرجالي والنسائي طبعًا ولازم يكون فيه على الأقل ترابيزة واحدة لتغيير الحفاضة للأطفال في حمام كل مبنى وهيتم تعميم القانون عشان يبقى في باقي الولايات مش في نيويورك بس.
بما إن الأبهات بقوا بيشاركوا أكتر في تربية ولادهم زي الأمهات بالضبط، فالأبهات كمان رحبوا بالقانون الجديد علشان كانوا بيدوروا على طرق عملية عشان يغيروا لولادهم وهما برة البيت وعملوا دعوة لطيفة انتشرت على السوشيال ميديا بهاشتاج #squatforchange أو “جلسة القرفصاء للتغيير”.
مصدر الصورة: Boredpanda
مصدر الصورة: Boredpanda
وفي الوقت اللي الناس بتفعّل قانون عشان يبقى فيه ترابيزات تغيير الحفاضات في حمامات الرجال عشان الأبهات تقدر تغير لولادها في مكان مناسب في الأماكن العامة زيهم زي الأمهات بالضبط، لسه في مصر بيحصل جدل بخصوص دور الأب في حياة ولاده وهل الأب دوره بيقتصر على الشغل وبس ولا لازم يشارك في كل تفاصيل حياة ولاده زيه زي الأم حتى تغيير الحفاضات.
مصدر الصورة: Boredpanda
بس في الحقيقة، مؤخرًا في مصر لاحظنا إن بعض الأماكن بقت تحط ترابيزات تغيير الحفاض للأطفال في الحمامات الرجالي زي سيتي سنتر ألماظة وكانت لفتة لطيفة منهم عشان تسهل على الأمهات والأبهات خروجاتهم في المول.
مصدر الصورة: فريق راحة بالي
مصدر الصورة: فريق راحة بالي
قوليلنا رأيك في الموضوع ده، هل هيبقى فيه أمل عشان نقدر نغير فكر الأبهات ونخلي تغيير البامبرز روتين يومي للأبهات؟
التعليق باستخدام حساب فيس بوك