أطفال حديثي الولادة كتير لما بنشوفهم، بنحس إن عندهم حَوَل، سواء بشكل ملحوظ جدًا وباين في كل حركة من حركات العين، أو بيبان مع اتجاهات معينة للعين، في أمهات بيحسوا إن دي حاجة طبيعية عند كل الرضع فمش بيقلقوا، وفي أمهات بيفكروا إن طفلها هيعاني من الحول طول العمر فبيخافوا وبيقلقوا، طيب إيه الصح؟ هل فعلا هي حالة عابرة وهتروح؟ ولا ده عيب خِلقي؟ هنقولك كل حاجة عن حَوَل العين عند الأطفال الرضع حديثي الولادة في المقال ده:
-
إيه هو حَوَل العين؟
- العينين الاتنين ربنا خالقهم إنهم يشتغلوا بتناسق مع بعض، وده اللي بيميز بصر الإنسان عن الحيوانات، إنه بيشوف بشكل ثلاثي الأبعاد، علشان كده لما بنشوف حاجة، العينين الاتنين بيروحوا في نفس الاتجاه.
- وحَوَل العين هو فقدان القدرة دي على التناسق، علشان كده بيظهر على شكل إن كل عين بتروح في اتجاه غير التاني.
-
ليه بيظهر حول العين كتير عند الأطفال حديثي الولادة؟
مش كل الأطفال بيتولودوا وهما عندهم القدرة دي على تناسق الحركة بين العينين، وبيبدأوا يكتسبوها بعد الولادة، ولحد ما يوصلوا لسن 5 شهور، ساعتها هتلاقي إن العين زبطت وبقت طبيعية خالص.
-
إمتى أقلق من حول العين عند الأطفال الرضع حديثي الولادة؟
هو عمومًا متقلقيش في كل الأحوال، لإن حتى لو طفلك -لا قدر الله- مصاب بحول العين، فده له علاج وحلول كتير، لكن العلامة الأساسية اللي تخليكي تزوري الدكتور، هي لو طفلك عدى الـ 5 شهور وما حصلش تحسن في حول حديثي الولادة، أو حتى حصل تحسن بس لسا في نسبة مش بسيطة من الحول، ساعتها لازم تستشيري الطبيب، وما تستنيش إن الحول ده يروح لوحده.
وده دليل أشهر أطباء الأطفال في القاهرة
-
إيه هو الحول الكاذب؟
الحول الكاذب هو إن بيتهيئلك انتي إن الطفل ده مصاب بالحول، على الرغم إن عيونه طبيعية تمامًا، لكن تقاسيم وجهه هي اللي بتوحي بكده، زي إن زاوية جفونه مع العين تكون نازلة شوية، أو قصبة أنفه مسطحة قوي، فده ممكن يأثر على مظهر العين ويبان إن فيها حول، وده اللي بيتسمى الحول الكاذب.
بس حتى ده بيكون له حلول، زي إن لما الطفل بيكبر وملامحه كمان بتكبر، حاجات كتير من دي بتتعدل أكتر بكتير من وهو حديث الولادة، ولو الطفل -لا قدر الله- بيعاني من ارتخاء الجفون المرضي، فده له تدخل طبي بيحل المشكلة دي.
مع تمنياتنا لطفلك بتمام البصر والبصيرة.
ودي مجموعة مقالات للأطفال حديثي الولادة:
بالفيديو: تغيير البامبرز لحديثي الولادة
اللي جربوا قالوا: أهم 10 منتجات للبيبي في أول سنة
لبن السرسوب.. الكنز إللي ما حدش عارف قيمته الحقيقية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك