محتويات المقال
ساعات تغيير لون الشعر بيكون خطوة مخيفة عشان هينتج عنها تغيير كلي في الشكل. وقتها بيكون مفيد قوي إننا نعمل خصلة واحدة ملونة أو هاي لايت زي ما بنسميها عشان يبقى تغيير بس محكوم. لو بتحبي تعملي كل حاجة بنفسك في البيت، هتحبي برضه تعرفي ازاي تصبغي خصلة ملونة أو تعملي هايلايت في البيت. جيبنا لك الطريقة المضمونة، في فيديو وصور وخطوات، مفيش أسهل من كده!
بالفيديو: طريقة الخصلة الملونة الهايلايت
بالخطوات: طريقة عمل خصلة ملونة هايلايت في الشعر
- حضري عدة الشغل
- حضري شعرك وهدومك
- اعملي تست الأول
- فرقي شعرك
- ابدأي على بعد كام سنتيمتر من فروة راسك
- من قدام الخصل تبقى أسمك ومن ورا تبقى أخف\أصغر
- مش لازم تبقى بالمسطرة
- لازم ترطبي الشعر بعد ما تخلصي
رنساج الشعر: حل بديل لو الصبغة ما ظبتطش
حضري عدة الشغل
انزلي زيارة لسمير ويليام أو أي محل مستحضرات تجميل تشتري مجموعة تشقير الشعر، وتشتري اللون اللي تحبي تلوني بيه الشعر (لو مش عايزاه مجرد لون أفتح من اللون الأصلي). لازم تعرفي إنك عشان تحطي لون أحمر أو أزرق أو بنفسجي أو أي لون تاني سواء مطرقع أو كلاسيك، لازم تفتحي الشعر الأول، أو زي ما بيقولوا الكوافيرات تسحبي منه اللون. وانتي هناك، لازم تشتري مجموعة الفرش اللي هتساعدك في فرد المادة على الشعر، وجوانتي عشان المادة ما تبوظش بشرة إيدك.
حضري شعرك وهدومك
شعرك لازم يكون نضيف بس مش لسه مغسول. أفضل الحلول إنك بعد ما تغسلي شعرك بيوم بحاله فيكون الشعر نضيف وناشف. لازم تاخدي بالك إن المادة اللي بتسحب اللون من الشعر ممكن تقع على الهدوم فتغير لونها وممكن الصبغة كمان تعمل نفس الشيء. فهاتي قميص أو تيشيرت قديم والبسيه وعليه فوطة قديمة على الكتاف. كمان خلي قريب منك فوطة تانية ما عندكيش مانع تتبقع بالصبغة، عشان لو عايزة تمسحي إيدك في أي وقت أو تمسكي حاجة.
اعملي تست الأول
هاتي خصلة صغيرة من خصل الشعر اللي في آخر الراس ورا في إيدك وابدأي بيها. شوفي الأول اللون فيها هيكون عامل ازاي عشان لو مش مستعدة للون ده في شعرك كله، تبقي ما خسرتيش حاجة.
فرقي شعرك
الفيديو ده هيسهل عليكي جدًا تفريق الشعر في خصل صغيرة.
ابدأي على بعد كام سنتيمتر من فروة راسك
سُمك الخصلات الملونة
كل ما نكون في الوش، خلي الخصلات أكبر وكل ما بنرجع ورا، الخصلات بتصغر. ودي مش حاجة بالمسطرة يعني، خليها بالإحساس.
لازم ترطبي الشعر بعد ما تخلصي
سيبي المادة المشقرة والصبغة على شعرك بس الوقت المكتوب على العلب. وبعدين اغسلي شعرك بالشامبو كويس. بعدها استخدمي بلسم مرطب للشعر وحطي عليه معلقة عسل نحل عشان ترطبي الشعر كويس.
التعليق باستخدام حساب فيس بوك