المعلومة المعروفة للأمهات كلهم، إن السائل الأمنيوسي اللي بيحيط بالجنين مهم جدًا إنه ما ينقصش لإن نقص الماء حول الجنين لها مضاعفات خطيرة، لكن هل زيادة الماء حول الجنين لها مشاكل؟ ولا دي حاجة طبيعية وبتحصل في الحمل؟ هتعرفي كل حاجة عن زيادة الماء حول الجنين في المقال ده:
الأصل إن زيادة المياه حول الجنين في ارحم، مش بتعتبر مشكلة، ومش بتأثر على صحة الجنين، وغالبًا بيتم اكتشاف الزيادة دي في الشهور الأخيرة من الحمل، لكن في بعض الأبحاث والدراسات العلمية بتقول إن زيادة الماء حول الجنين لها مشاكل ومضاعفات ومخاطر على الجنين.
مضاعفات زيادة الماء حول الجنين على الجنين
- التشوهات الخلقية.
- وجود الجنين في حجم أو وضع غير طبيعي، وده ممكن يسبب صعوبات أثناء الولادة.
- ممكن الحبل السري يتحول لوضعية خطيرة، وده يؤدي لتقليل وصول الأكسجين للجنين.
- موت الجنين لا قدر الله في الحالات الشديدة جدًا.
مضاعفات زيادة المياه على الأم
- زيادة مدة الولادة.
- حدوث انقباضات مبكرة اللي بتؤدي إلى الولادة المبكرة.
- انفصال المشيمة المبكر عن جدار الرحم.
- نزول الماء بشكل مبكر للغاية.
- صعوبة في التنفس.
- الاسترخاء المفرط وعدم انقباض الرحم بعد الولادة.
- نزيف حاد غير مسيطر عليه بعد الولادة.
أعراض زيادة المياه حول الجنين
زيادة المياه حول الجنين، الطبيبي بيكتشفها بسهولة مع السونار وسماع نبضات قلب الجنين، لكن في أعراض ممكن الحامل تعرف منها بنفسها إن في زيادة في ماء الجنين، منها:
- شعور بأن بطنها تقيلة جدًا وممتلئة وممتدة بشكل غير طبيعي.
- الجلد مشدود ولامع.
- شعور بعدم الراحة، وبتلاقي صعوبة في الرحكة وخصوصًا طلوع السلم.
أسباب زيادة المياه حول الجنين
- الحمل في توأم.
- سكر الحمل.
- انسداد في أمعاء الجنين.
- عدوى أثناء الحمل.
- تعرض خلايا دم الجنين للهجوم من قبل خلايا دم الأم.
- إصابة الجنين بحالة وراثية.
وبنفكرك دايمًا إنك لو حسيتي بأي أعراض غير طبيعية، لازن تستشيري دكتورك فورًا بدون أي تأخير، وبنتمنى لك ولجنينك رحلة حمل سعيدة وصحية.
هنا ممكن تشوفي ازاي أختار الطبيب المناسب لمتابعة الحمل
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
baby.webteb.com
التعليق باستخدام حساب فيس بوك