وإحنا ماشيين على دايت لفترة طويلة، بنعاني من ثبات الوزن، وفي الحالة دي بنحتاج نظام دايت مختلف يساعدنا على استمرار نزول الوزن مرة تانية، وغالبًا الرجيم ده بيكون قاسي وصارم شوية، لإنه بيعتمد على السعرات القليلة، فيحفز الجسم على حرق السعرات تاني وفي حالات تانية بتكون عندنا مناسبة عاوزين نظهر فيها بمظهر رشيق، فبنحتاج دايت سريع قبلها يزبط لنا كام كيلو علشان اللبس يزبط علينا، فلو بتمري بأي حالة من الحالات دي، دايت الجيش الأمريكي هيكون مناسب جدًا ليكي لأنه بيساعدك تخسي 7 كيلو في أسبوع واحد بس لو انتظمتي عليه.
-
إيه هو دايت الجيش الأمريكي؟
في ناس بتقول إنه اتسمى كده لإن فعلا ضباط الجيش الأمريكي بيمشوا عليه عشان يحافظوا على لياقتهم، وفي ناس بتقول إنه اتسمى كده لإنه نظامه صارم زي الجيش.
وهو دايت قليل السعرات، لمدة 3 أيام بس، وبيتكرر على حسب احتياج الجسم، لكنه ما ينفعش تمشي عليه لفترات طويلة أو كنظام حياة.
-
نصايح قبل ما تعملي دايت الجيش الأمريكي
- لازم تمارسي معاه أي رياضة لمدة نص ساعة في اليوم، علشان تلاقي نتيجة حقيقية.
- ممنوع أي سناكس نهائيًا بين الوجبات.
- ممنوع إضافة أي عناصر على الوجبات.
- مدته 3 أيام بس، ولو هتحتاجي تكرريه، يبقى لازم تاخدي بريك 4 أيام على الأقل تاكلي فيهم صحي وسعرات معقولة، وبعدين ترجعي له تاني.
- لو بتعاني من أي أمراض -لا قدر الله- يستحسن تستشيري طبيبك قبل ما تعملي الدايت ده.
رجيم الشتاء: 10 أكلات شتوية هتساعدك تشبعي وماتكليش كتير
وجبات دايت الجيش الأمريكي
اليوم الأول:
- وجبة الفطار: نصف حبة جريب فروت – شريحة توست بني – ملعقتين زبدة فول سودانى – كوب قهوة سادة.
- وجبة الغداء: نص علبة تونه متصفية من الزيت – شريحة توست بنى – كوب قهوة سادة.
- وجبة العشاء: 80 جرام لحوم – كوب فاصوليا خضراء – نص موزة – تفاحة صغيرة – نصف كوب آيس كريم فانليا.
اليوم التاني:
- وجبة الفطار: بيضة مسلوقة – شريحة توست بني – نص موزه.
- وجبة الغداء: كوب جبنة قريش – بيضة مسلوقة – 5 بسكويت مملح.
- وجبة العشاء : كوب بروكلي – 2 سوسيس – نص كوب جزر – نص موزة – نص كوب آيس كريم فانيليا.
اليوم التالت:
- وجبة الفطار: 5 بسكويت سادة – شريحة جبنة شيدر – تفاحة صغيرة.
- وجبة الغداء: بيضة مسلوقة – شريحة توست بني.
- وجبة العشاء: علبة تونة – نص موزة – نص كوب آيس كريم فانيليا.
هنا ممكن تشوفي 6 من أشهر أخطاء الرجيم .. خدي بالك منها
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك